सिरहा : नेकपा र कांग्रेस परित्याग गरी २ सयबढी राजपामा प्रवेश

न्यूज ब्यूरो, सिरहा । सिरहाको मिर्चैया नगरपालिकामा नेकपा र नेपाली कांग्रेस परित्याग गरी झण्डै दुईसयको संख्यामा नेता कार्यकर्ता राष्ट्रिय जनता पार्टी (राजपा) मा प्रवेश गरेका छन् ।

मिर्चैया नगरपालिका–१२ सिक्रौनमा शनिबार एक कार्यक्रमबीच नेकपा र कांग्रेस छोडेर दुईसयबढीको संख्यामा राजपामा पसेका हुन् । राजपा नेपालका अध्यक्षमण्डलका सदस्य एवं संघीय सांसद राजकिशोर यादवले उनीहरुलाई पार्टी प्रवेश गराएका हुन् ।

नेता यादवले उनीहरुलाई सामुहिक रुपमा पार्टी प्रवेश गराउँदै राजपामा स्वागत गरेका छन् । पार्टी प्रवेश कार्यक्रमलाई सम्बोधन गर्दै नेता यादवले राजपाले अघि बढेको ‘सबैको साझा नेपाल’ निर्माणको अभियानमा साथ दिन राजपामा प्रवेश गरेकोमा सबैलाई धन्यवाद दिए ।