यी ३ स्थानीय तहको बजेट नै रोक्का

न्यूज ब्यूरो । समयमा नै बजेट ल्याउन नसकेको रौतहटको तीन वटा नगरपालिकाको अनुदान रोक्का भएको छ ।

सरकारको नीति र समयमा सभा नगरेको कारण ती नगरपालिकाको अनुदान रोक्का भएको जनाईएको छ । रोक्का हुने नगरपालिकामा बौधिमाई, राजदेवी र राजपुर नगरपालिका रहेको छ । विद्युतीय लेखाङ्कन प्रणाली सुत्रमा लेखाङ्कन हुनुपर्ने व्यवस्थामा ती नगरपालिका रहेका छैनन ।

सबै तह (संघ, प्रदेश र स्थानीय) का सरकारले अघिल्लो आर्थिक बर्ष भित्रैै बजेट सम्बन्धित सरकारको व्यवस्थापिकामा पेस गरी पारित गर्नुपर्ने संम्बैधानिक व्यवस्था रहेको छ । नयाँ आर्थिक वर्ष अर्थात् साउन १ गते बाट सबै सरकारले व्यवस्थापिका बाट बजेट पारित गराएपछि मात्र कार्यान्वयन गर्न पाउने नीयम छन । रौतहटका ३ स्थानीय तहले सुत्रमा बजेट समावेश गर्न नसकेको महालेखा नियन्त्रकको कार्यालयले जनाएको छ ।

यसैबीच रौतहटको देबाही गोनाही नगरपालिकाले गत र यस बर्षको नगरसभा गर्न सकेको छैन भने फतुवा बिजयपुर नगरपालिकाका आर्थीक बर्षको पाँच महिना हुन लाग्दा समेत नगर सभा गर्न सकेको छैन । नगरसभा हुन नसकेपछि शिक्षकहरुले समेत तलब पाउन बाट बन्चित भएको छ ।