निजगढमा भोलि हुने बिशाल आमसभाको सम्पूर्ण तयारी पूरा : साँसद कुशवाहा

न्यूज ब्यूरो, रौतहट । रौतहट क्षेत्र नं. ३ को (ख) बाट प्रतिनिधित्व गर्ने प्रदेश सान्सद कुन्दन कुशवाहाले भोलि मँसिर १० गते बाराको निजगढमा हुन लागेको विशाल आम सभाको सम्पुर्ण तयारी पूरा भएको बताएका छन ।

बिकासे योजनाको गतिलाइ तिब्रता दिन आयोजित सो दबाब मुलक बिसाल आमसभाको तयारीमा दुई हप्ता देखि निकै मेहनतका साथ ब्यस्त रौतहट क्षेत्र न ३ खको प्रदेश सान्सद कुशवाहाले आउने अतिथीहरु सहित सम्पुर्णको लागि सहजताको हिसाबले टेन्ट ,कुर्सि ,पंखा ,खानेपानी सहित चर्पीको ब्यबस्थापन गरिएको जानकारी दिए ।

स्थानीय कार्यकर्ता र समर्थनका साथ मन्च ब्यबस्थापन देखि कार्यक्रममा उपस्थित हुन आउने सम्पुर्णलाई कुनै प्रकारको सास्ती नहोस् भन्ने उदेश्यका साथ आहोरात्र खटेका कुशवाहाले कार्यक्रममा सहभागी भइ बिकास निर्माणमा गति दिलाउन सरकारलाइ दबाब दिन आग्रह गरे । टेन्ट खसाएर केन्द्रले आफुलाइ दिएको निर्देशनलाई आत्मसात गर्दै जिम्मेवारी बहन गर्दै तयारी पूरा गरेका कुशवाहाले प्रदेश नम्बर २ अन्तर्गतका राष्ट्रिय गौरवको आयोजनाहरुको निर्माणलाई गति दिनका लागि नेपाल कम्युनिस्ट पार्टीले बृहत् आमसभाको आयोजना गरेको बताए । कुशवाहाले ५० हजारभन्दा बढी प्रदेशवासीलाई एकै ठाउँमा जम्मा गर्न लागेको बताए ।

नेकपा अध्यक्ष एवम् पूर्वप्रधानमन्त्री पुष्पकमल दाहाल प्रचण्डुको प्रमुख आतिथ्यमा हुन लागेको आमसभाको अध्यक्षता नेकपा प्रदेश अध्यक्ष प्रभु साहले गर्न लागेका हुन् । विशेष अतिथिको रूपमा सभामा उपप्रधान तथा रक्षामन्त्री इश्वर पोखरेल, नेकपा महासचिव विष्णु पौडेल, उर्जा, जलस्रोत तथा सिँचाइ मन्त्री वर्षमान पुन, वन तथा वातावरण मन्त्री शक्ति बस्नेत एवम भौतिक पूर्वाधार तथा यातायात मन्त्री वसन्त नेम्वाङले सम्बोधन गर्नेछन् ।

कुशवाहाले भने, –“गरिबी, विभेद र पछौटेपनबाट मुलुकलाई छुटकारा दिलाउनको लागि निर्माणाधीन राष्ट्रिय गौरवका आयोजनाहरु हाम्रो चुनौतीको रूपमा रहेको छ । त्यो पूरा भए मात्र संघीयता प्राप्तीको मुख्य उदेश्य र सपना पूरा हुनेछ । मुलतः प्रदेश नम्बर २ भइरहेका कार्यहरू समयमै सम्पन्न गर्नका लागि हामी वृहत् दबाब सृजना गर्दैछौं । हजारौं हजार जनता यसरी विकास र समृद्धिका पक्षमा एकै ठाउँमा पहिलो पटक जम्मा हुन लागेका हुन् ।”

कार्यक्रममा सहभागी हुन आव्हान गर्दै कुशवाहाले यस सभा सम्पन्न भएपछि प्रदेशको विकासले गति लिने विश्वास व्यक्त गरे । प्रदेश नम्बर २ मा काठमाडौ तराई मधेश द्रुतमार्ग, दोस्रो अन्तर्राष्ट्रिय विमानस्थल, हुलाकी लोकमार्ग, पूर्व पश्चिम रेलमार्ग, राष्ट्रपति चुरे संरक्षण कार्यक्रम, कोशी कमला डाइभर्सनजस्ता राष्ट्रिय गौरवका आयोजनाहरु निर्माणाधीन अवस्थामा छन् । नेकपाको प्रदेश स्तरीय बैठकले सान्सद कुशवाहालाइ आम सभाको सम्पुर्न तयारीको जिम्मा दिएका थिए ।