अटोमेटिक पेस्तोल सहित एक जना प्रहरी गिरफ्तमा

न्यूज ब्यूरो, सिरहा । जिल्ला प्रहरी कार्यालय सिरहाले अटोमेटिक अर्थात स्वचालित पेस्तोल सहित एक जनालाई पक्राउ गरेको छ ।

जिल्लाको कल्याणपुर नगरपालिका वडा नं. २ चतरीघाटबाट स्वचालित पेस्तोल २ थान र खाली म्याग्जिन २ थान सहित सोही नगरपालिका वडा नं. ३ बस्ने २१ वर्षीय अहमद मियालाई प्रहरीले पक्राउ गरेको छ । जिल्ला प्रहरी कार्यालयबाट खटिएको प्रहरीले शंका लागि जाँच गर्ने क्रममा ७ एमएम र ९ एमएम गरी २ थान स्वचालित पेस्तोल र सोही पेस्तोलमा लाग्ने म्याग्जिन २ थान सहित फेला पारी पक्राउ गरेको हो ।

पक्राउ परेका मियाँको साथबाट निम्न ब्यहोराको हतियार बरामद भएको जिल्ला प्रहरी कार्यालय सिरहाले जनाएको छ । चेकजाँच गर्दा, निजको साथ बाट MADE IN U.S.A.लेखेको 7 MM लेखेको स्वचालित पेस्तोल थान १ र ऐ. को खाली म्यागजिन थान १ र निजले प्रहरी टोलीलाई देखी नजिकै रहेको धान खेतमा फालेको FETRI BRATA U.S.A.9 MM लेखेको स्वचालित पेस्तोल थान १ र ऐ. को खाली म्यागजिन थान १ समेत गरी जम्मा २ थान पेस्तोल र २ थान म्यागजिनहरु सहित निजलाई पक्राउ गरी थप अनुसन्धान कार्य भइरहेको ।
बरामद गरिएको दशी प्रमाणः -
१)MADE IN U.S.A.लेखेको 7 MM लेखेको स्वचालित पेस्तोल थान १ ।
२) ऐ.को खाली म्यागजिन थान १ ।
३)) FETRI BRATA U.S.A.9 MM लेखेको स्वचालित पेस्तोल थान १ ।
४) ऐ. को खाली म्यागजिन थान १ ।

यस सम्बन्धमा थप अनुसन्धान भइरहेको जिल्ला प्रहरी कार्यालय सिरहाले जनाएको छ ।