धनुषामा चिसोले लियो दुईको ज्यान

जनकपुरधाम, २३ पुस । तराई मधेसमा वायू परिवर्तनसँगै बढेको शितलहर र अत्यधिक चिसोकै कारण धनुषामा अहिलेसम्म दुई जनाले ज्यान गुमाएको बताइएको छ ।

जिल्ला प्रहरी कार्यालय धनुषाले आईतबार एक प्रेस विज्ञप्ति जारी गर्दै धनुषामा चिसोकै कारण आगोमा जलेर दुई महिलाको मृत्यू भएको हो ।

मृत्यू हुनेमा मिथिलाबिहारी नगरपालिका वडा नं। ७ तारापट्टि बस्ने राम देव दासको श्रीमती वर्ष ४० की गिता देवी दास र कमला नगरपालिका वडा नं। ९ दुवरकोट बस्ने राम सोगारत मण्डलको श्रीमती वर्ष ५५ की श्यामा देवी मण्डल रहेको जिल्ला प्रहरी कार्यालय धनुषाले जनाएको छ ।

उनीहरु अत्यधिक चिसोले गर्दा आफनै घरमा आगो तापिरहेको बेला शरिरमा आगो सल्की जलेर गम्भिर घाइते भएकी थिइन भने उपचारको लागि अस्पतालमै मृत्यू भएको प्रहरी प्रवक्ता डिएसपी प्रविन घितालले जनाएको छ ।