जउवा सँघमा 'महासँग्राम' का यी अनुहारहरु

जनकपुरधाम, २३ पुस ।
आगामी पुस २९ गते हुन गइरहेको जनकपुर उद्योग वाणिज्य सँघको चुनावमा महासँग्राम हुने देखिएको छ ।

मनोयन दर्तापछि देखिएको उम्मेदवारहरुको सुची अनुसार चुनावी माहौल तातिए लगत्तै चुनावमा नेतृत्वको महासँग्राम हुने देखिएको छ ।
प्रदेश नं. २ को प्रस्तावित राजधानीको रुपमा रहेको अहिले जनकपुरमा जउवा सँघको चुनावी माहौलले मौसम तताएको छ ।

मनोयन दर्ता गराईसकेका उम्मेदवारहरुको पक्षधरहरुले चुनावी प्रचार प्रसारलाई तिव्र बनाएको छ ।
समाजिक सँजाल फेसबुक, टवीटर, ईन्टाग्राम मार्फत उम्मेदवारहरुले आ आफनो प्रचार प्रसार सहित आफनो पक्षमा मत दिन आग्रह गर्दै हेर्दा जनकपुरमा चुनावी माहौल पुनः तातिएको देखिएको छ ।

आउँदो शनिबार हुन लागेको नयाँ कार्यसमिति को निर्वाचनको लागि बिभिन्न पदहरुमा उठेका उम्मेदवारहरु स्थानीय पत्रपत्रिकाहरुबाट समेत प्रचार प्रसार तिव्र बनाएको छ ।
मनोयन दर्ताको अन्तिम नामाबली अनुसार जउवा सँघको अध्यक्ष पदको लागि दुई दिग्गज भिडने भएको छ ।

अध्यक्ष पदको लागि पवन कुमार ठाकुर र ललित कुमार साह भिडने भएको छ ।
व्यवासायीको दृष्टिकोणले दुवै जनाको प्रतिष्पर्धा निकै कडा हुने देखिएको छ ।

यस्तै, सँघको वरिष्ठ उपाध्यक्षको लागि जितेन्द्र प्रसाद साह र विजय कुमार साहबीच प्रतिष्पर्धा हुने भएको छ ।
सँघको उपाध्यक्षको लागि ५ जना दाबेदार मध्ये युवा सरोज मिश्र, सलामत राइन, विजय कुमार साह, श्रवण कुमार साह र सुरेन्द्र कुमार भण्डारी रहेका छन् ।

महिला उपाध्यक्षमा दीपिका राय निर्विरोध भएकी छिन् भने, महासचिवमा अरुण कुमार साह ,जितेन्द्र कुमार महासेठ, कृष्णदेव साह र सुनील कुमार प्रसाद उम्मेदवारी दिएका छन् ।

यस्तै, सँघको सचिवको लागि धर्मेन्द्र कुमार साह, विकास साह तेली, गोपी कुमार साह , फूलदेव पंडित तथा जितेंद्र कुमार साह हलुवाई दाबेदार छन् ।
सँघको कोषाध्यक्षमा विजय कुमार साह तेली, दीप नारायण प्रसाद साह र अशोक कुमार चौधरी रहेका छन् भने एसोसिएट सदस्यमा मात्र राजीव कुमार साहले उम्मेदवारी दिएका छन् ।

यस्तै, महिला सदस्यमा आशा कुमारी यादव निर्विरोध भएकी छन् भने कार्यकारिणी सदस्यको लागि १८ जनाले उम्मेदवारी दर्ता गराएका छन् ।