प्रहरी चौकी उपर बम प्रहार , एक भारतीय युवक पक्राउ !

न्यूज ब्यूरो, रौतहट । रौतहटको सिमावर्ती मठिया प्रहरी चौकी माथी बम प्रहार भएको खबर छ। ईशनाथ नगरपालिका ४ नेपाल भारत सिमा क्षेत्रको मठियामा रहेको प्रहरी चौकीमा भारततर्फबाट आएका अपराधीक समुहले बम प्रहार गरेको प्रहरीले जनाएको छ ।

बिआर ०५८६५०१ नम्बरको हिरो डिलक्स मोटरसाइकल चढेर आएका अपराधीक समुहले गरेको बम प्रहारबाट सेन्ट्री डिउटी खटिएका प्रहरी जवान रन्जित यादव घाइते भएका छन् । बमको छर्रा लागेर चौकी नजिक रहेको एउटा खसी मरेको छ । प्रहरी जवान यादव सामान्य घाइते रहेको प्रहरीले जनाएको छ । प्रहरीले बम प्रहार गर्ने एक जना भारत ढाका का २५ वर्षिय चन्दन कुमारलाई पक्राउ गरेको छ। घटनाको थप विवरण आउन बाकी छ।