धनुषामा विंगर र मोसा ठोक्किदा एक ठहरै !

न्यूज ब्यूरो, जनकपुरधाम । धनुषामा विंगर र मोटरसाईकल (मोसा) एक आपसमा ठोक्किदा एक जनाको मृत्यू भएको छ भने अन्य एक जना गम्भिर घाईते भएका छन् ।

धनुषाको धनुषाधाम नगरपालिका वडा नं. ९ भिमान धारापानी स्थित विंगर र मोटरसाईकल एक आपसमा ठोक्दिा दुर्घटना भएको जिल्ला प्रहरी कार्यालय धनुषाले जनाएको छ । । पुर्वबाट पश्चिम तर्फ आउदै गरेको ना. १ ज ८६६१ नम्बर विंगरले ना.५१ प १०६७ नम्बरको अपाचे मोटरसाइकललाई ठक्कर दिँदा मोटरसाईकलमा सवार चलाक सहित दुई जना गम्भिर घाईते भएका थिए ।

उनीहरुलाई उपचारका लागि जनकपुर अञ्चल अस्पतालमा ल्याएपनि उपचारको क्रममा एक जनाको मृत्यु भएको छ । मृत्यु हुनेमा धनुषाधाम नगरपालिका वडा नं. ६ मालटोल बस्ने वर्ष १५ अमन दास रहेको छ । मोटरसाईकलमा पछाडी सवार दासको मृत्यू भएको जनाइएको छ भने मोटरसाईकल चलाई रहेको नेपाली सेनाका हवाई सुरक्षा शिक्षालय मालटोल ब्यारेकका हवल्दार श्याम किशोर प्रसाद कुशवाहाको उपचार अञ्चल अस्पताल जनकपुरमा भैरहेको छ ।

यता, विंगर चालक र विंगर प्रहरीको जिम्मामा रहेको इलाका प्रहरी कार्यालय यज्ञभुमिका प्रहरी निरीक्षक काली चरण पजियारले जनाएको छ।