सिरहामा बञ्चरो प्रहार गरी श्रीमानले गरे श्रीमतिको हत्या

न्यूज ब्यूरो, सिरहा । सिरहामा एकजनाले आफ्नै श्रमतिको हत्या गरेका छन् । सिरहाको कर्जन्हा नगरपालिका–२ बन्दीपुरमा एक महिलाको हत्या भएको हो ।

स्थानीय रामबाबु पासवानले आफ्नै श्रीमती कवितादेवी पासवानको बञ्चरो प्रहार गरी हत्या गरेका हुन् । बुधबार बिहान पासवानकी श्रीमति कविताले मासु किनेर खाने भन्दै श्रीमानसँग पैसा मागेका थिए । तर, श्रीमानले पैसा नदिएपछि सुरु भएको विवाद उग्र बन्दै हत्याको अवस्थामा पुगेको जनाइएको छ ।

पति पासवानले घाँटीलगायत शरीरका विभिन्न भागमा बन्चरो प्रहार गरेसँगै उनको घटनास्थलमै मृत्यु भएको जिल्ला प्रहरी कार्यालय सिरहाका प्रवक्ता तथा डिएसपी अपिलराज बोहराले जानकारी दिए । घटनापछि पासवान फरार भएका छन् । उनको खोजीकार्य भइरहेको छ ।