आलमलाई तीनवटा मुद्दामा ३२ वर्ष जेल सजाय माग

न्यूज ब्यूरो, जनकपुरधाम । बम विस्फोटमा परी घाइते भएकालाई जिउँदै इँटाभट्टामा जलाएर मारेको आरोपमा पक्राउ परेका निलम्बित कांग्रेस सांसद मोहम्मद अफताब आलमलाई तीनवटा मुद्दामा ३२ वर्षको कैद सजाय माग दाबी गरिएको छ ।

आलमले प्रत्यक्षदर्शीको भनाइअनुसार दर्जनौँ व्यक्तिलाई इँटाभट्टामा जिउँदै जलाएको आरोपमा मुद्दा चलाएका जिल्ला सरकारी वकिल खडिन्द्रराज कटुवालले बताए ।

तर, प्रहरी अनुसन्धानमा भने दुई जनालाई हत्या गरेको आरोप लगाइएको छ ।