गणतन्त्र नेपालका प्रथम राष्ट्रपति यादवलाई पराजित गरेका पूर्वसांसद महतो रहेनन् !

न्यून ब्यूरो, जनकपुरधाम । धनुषामा सवारी दुर्घटनामा परेर पूर्व सांसद राम लखन महतोको मृत्यु भएको छ ।

शुक्रवार धनुषाको मिथिला नगरपालिका वडा नम्बर २ स्थित विश्वकर्मा चोकमा यात्रुबाहक बसको ठक्करबाट तत्कालीन नेकपा एमालेबाट २०५१ मा निवार्चित ६० वर्षीय रामलखन महतोको मृत्यु भएको हो । साईकलमा सवार पूर्व सांसद महतोलाई विश्वकर्मा चोकमा विपरीत दिशाबाट आइरहेको बा ५ ख ८८५ नम्बरको यात्रुबाहक बसले ठक्कर दिएको थियो ।

घाइते भएका सांसद महतोको उपचारको क्रममा प्रादेशिक अस्पतालमा मृत्यु भएको धनुषाका प्रहरी उपरिक्षक शेखर खनालले बताए । ठक्कर दिने यात्रुबाहक बस र चालक नियन्त्रणमा रहेको प्रहरीले जनाएको छ ।

बिस २०५१ सालको निर्वाचनमा तत्कालीन नेकपा एमालेबाट धनुषा निर्वाचन क्षेत्र नम्बर ५ बाट चुनवा लडेका नेता महतो नेपाली काँग्रेसका उम्मेदवार तथा पूर्वराष्ट्रपति डा. रामवरण यादवलाई पराजित गर्दै विजयी भएका थिए । २०६२÷०६३ को जनयुद्धको बेला नेकपा माओवादीमा आबद्ध भएका महतो पछिल्लो समय मोहन वैद्य निकट क्रान्तिकारी माओवादीमा आवद्ध थिए ।