सिरहाबाट ब्राउनसुगर सहित ४ जना पक्राउ

न्यूज ब्यूरो, सिरहा । सिरहामा लागुऔषध ब्राउनसुगर सहित ४ जना पक्राउ परेका छन् ।

पक्राउ पर्नेमा सिरहाको गोलबजार नगरपालिका १० का २० वर्षीय रोशन कुमार यादव, २० वर्षीय संजित कुमार यादव, १८ वर्षीय संजित मुखिया र २१ वर्षीय संजय मुखिया रहेका छन् । ईलाका प्रहरी कार्यालय गोलबजारको टोलीले चेकजाँचको क्रममा नरहा गाउँपालिका ३ बाट चारै जनालाई पक्राउ गरिएको सिरहा प्रहरीले जनाएको छ ।

उनीहरुलाई प्लाष्टिकको पोकामा तयार पारीएर राखेको ब्राउनसुगर ११८० मिलि ग्राम सहित पक्राउ गरिएको जिल्ला प्रहरी कार्यालय सिरहाका प्रवक्ता तथा डिएसपी अपिलराज बोहराले जानकारी दिए । पक्राउ परेका चारै जनामाथि थप अनुसन्धान गरिरहेको प्रहरीले जनाएको छ ।