भर्खरै !, गौरमा चल्यो गोली

न्यूज ब्यूरो, रौतहट । रौतहटको गौर नगरपालिकामा अज्ञात समूहले गोली चलाएको छ ।

गौर नगरपालिका वडा नं. ३ मा अज्ञात समूहले गोली प्रहार गर्दा एक भारतीय नागरिक गम्भिर घाईते भएका छन् । घाईते हुनेमा भारतीय नागरिक विजय गुप्ता रहेको ईलाका प्रहरी कार्यालय गौरका प्रहरी नीरिक्षक पप्पु नायकले जानकारी दिए । घाईते गुप्ताको कोंखामा गोली लागेको जनाइएको छ । गौर वडा नं. ३ महादेवपट्टि स्थित गोली प्रहार गरिएको प्रहरीले जनाएको छ ।

कोंखामा गोली लागेको कारण उनलाई थप उपचारको लागि वीरगँज लगिएको प्रहरीले जनाएको छ । यता, गोली हान्ने पनि भारतीय नागरिक नै रहेको खुलेेको छ ।

रौतहट प्रहरीले जनाए अनुसार गोली हान्ने भारतीय नागरिक नरेश राम हुन् । घटना सम्बन्धमा थप अनुसन्धान भइरहेकोे प्रहरीले जनाएको छ ।