खजुरी प्रहरीद्धारा ४ कठ्ठामा लगाईएको गाँजा नष्ट

न्यूज ब्यूरो, जनकपुरधाम । पूर्वी धनुषाको कमला नदी किनारमा लगाइएको अवैद्य गाँजाका बोटहरु धनुषा प्रहरीद्धारा नष्ट गरिएको छ ।

जिल्ला प्रहरी कार्यालय धनुषा मातहतको ईलाका प्रहरी कार्यालय खजुरीबाट खटि गएको प्रहरी टोलीले जनकनन्दिनी गाउँपालिका वडा नं. १ फुलबरियामा लगाइएको करिब ४ कठ्ठाको गाँजा नष्ट पारिएको हो । समुदाय– प्रहरी साँझेदारी कार्यक्रम अन्तर्गत आज (शनिबार) विहान करिब ८ः३० बजेको समयमा उक्त क्षेत्रको गाँजा नष्ट गरिएको हो ।

ईलाका प्रहरी कार्यालय खजुरीका ईन्चार्ज, प्रहरी प्रमुख एवम् प्रहरी नीरिक्षक राजन थापाको कमाण्ड र सशस्त्र प्रहरी बल (बिओपी) खजुरीका सहायक प्रहरी नीरिक्षक कपिलराज गिरीको कमाण्डमा गएको प्रहरी टोलीले गाँजाका बोटहरु नष्ट पारेको हो ।

ईलाका प्रहरी कार्यालय खजुरीबाट २० जना तथा बिओपीबाट ११ जना गरी ३१ जनाको सँयुक्त प्रहरी टोलीले ४ कठ्ठामा लगाएको करिब ३ हजार गाँजाको बोट नष्ट पारेको हो । स्थानिय जनप्रतिनिधी तथा भद्र भलादमी समेतको उपस्थितीमा जनकनन्दनी गाउँपालिका वडा नं. १ स्थित फुलवारिया टोलमै अबैध लागु औषध गाँजा फडानी गरी आगो लगाई नष्ट गरिएको प्रहरी नीरिक्षक (ईन्सपेक्टर) राजन थापाले जानकारी दिए ।