'निर्दोष आलमलाई रिहा गर' - नारा सहित गौरमा मोटो सँख्यामा समर्थक ओर्लिएपछि...

न्यूज ब्यूरो, रौतहट । घाइतेलाई जिउँदै जलाएको अभियोगमा पक्राउ परेका निलम्बीत साँसद मोहम्मद अफ्ताव आलम पक्राउ विरुद्धमा आज (शुक्रबार) नेपाली काँग्रेसका कार्यकर्ताले कालोपटीसहित प्रदर्शन गर्ने गरेका छन् ।

सरकारले आलमलाई १२ बर्ष अघिको झुठ्ठा मुुद्धामा फसाउन खोजेको भन्दै शुक्रबार काँग्रेस निकट कार्यकर्ताले जिल्ला सदरमुकाम गौरमा भारी सँख्यामा समर्थकहरु जुटाएर प्रदर्शन गरेका हुन् । रौतहटको गौरमा उनका समर्थकहरुले अफताब आलम निर्दोष हुन, आलमलाई रिहा गर जस्ता जुलुस लगाउँदै भारी सँख्याका प्रदर्शनकारीहरु जुलुस निकालेका हुन् । नेपाली काँग्रेस जिल्ला कार्य समितिको निर्णयअनुसार आज विहान ११ बजे भनिएपनि १२ बजेतर्फ प्रदर्शन गरिएको पार्टी जिल्ला सदस्य सुुमन गौतमले जानकारी दिए ।

गत असोज २६ गते प्रहरीले आलमलाई पक्राउ गरेपछि काँग्रेसले आपत्ति जनाउँदै आएको छ । यद्यपि, शुक्रबार भएको प्रदर्शन आलम निकट कार्यकर्ताको विशेष अनुरोधमा भएको हो । काँग्रेस जिल्ला सभापति कृष्ण यादवले विरोध प्रदर्शनका लागि पार्टीबाट औपचारिक रुपमा कुनै निर्णय नभएको बताएपनि एक्कासी सडकमा मास उतारेका हुन् । नेपाली काँग्रेसको प्रदर्शनमा मोटो सँख्यामा प्रदर्शनमा उत्रेपछि नेपाल प्रहरी, सशस्त्र प्रहरीले समेत मोटो सँख्यामा सुरक्षाकर्मी तैथान गरेका हुन् । कुनै अप्रिय घटना नहोस भनेर प्रर्दशनलाई मध्यनजर गर्दै मोटो सँख्यामा सुरक्षाकर्मी परिचालन गरिएको हो ।

सयौंको संख्यामा आएका आलम समर्थकले अफ्ताब आलम जिन्दबाद ,निर्दोष अफताबलाई रिहा गर ,धाधली रहित निश्पक्ष छानबिन छिटो गर ,निर्दोस फसाउन पाइदैन लिखित प्लेकार्ड बोकेर मौन जुलुस निकालेका हुन । मदेशी क्रान्ती चोकबाट शुरु गरिएको मौन जुलुस नगर परिक्रमा गर्दै राइसमिलको ग्राउन्डमा कोन सभा गरिएको थियो ।

अनुसन्धान गर्नका लागी प्रहरीले थप समय माँग गरेपछि जिल्ला अदालत रौतहटले ८ दिनको म्याद थप गरेको छ । जिल्ला न्यायधिश उमानाथ गौतमको इजलाशले आलमलाई आज तेश्रो पटक ८ दिनको लागी थुनामा राखि अनुसन्धान गर्नका लागी प्रहरीलाई म्याद प्रदान गरेको हो । जिल्ला अदालतले यस अघि उनलाई पहिलो पटक ७ र दोश्रो पटक ५ दिनको म्याद थप गरेको थियो । असोज २६ मा इद्रिस गेट नजिकै बाट पक्राउ परेका आलमलाई १२ वर्ष अघि २०६४ चैत्र २७ गते राजपुरमा भएको बमविस्फोटको आरोपमा पक्राउ गरेको हो ।

आफ्नो गिरफ्तारी राजनितिक प्रतिषोध : आलम

जिल्ला अदालत रौतहट बाट ८ दिनको म्याद थप भए पछि संचारकर्मीहरु सँग कुरा गर्दै आलमले आफूलाई झुठो मुद्दामा फसाइएको प्रतिक्रिया दिएका छन । “मेरो गिरफ्तारी असान्धर्विक छ । यो गिरफ्तारीले संविधानले गरेको कानूनी राज्यको अवधारणाको उल्लघन हो ।” संचारकर्मीहरु सँग कुरा गर्दै उनले भने “मेरो गिरफ्तारी राजनितिक प्रतिषोध बाहेक अरु केही होइन ।” म्याद थप पछि आलमलाई पुनः जिल्ला प्रहरी कार्यालय रौतहट पु¥याइएको छ ।