सबैला नगरपालिकामा तालाबन्दी !

न्यूज ब्यूरो, धनुषा । धनुषाको सबैला नगरपालिकामा तालाबन्दी गरिएको छ ।

नगरपालिकाको कार्यालयमा नगरका शिक्षकहरुले ताला हानेका हुन् । वडा दशैं, दिपावली जस्ता चाडवाडका भत्ता र समयमा तलबसमेत नपाएको भन्दै उनीहरु ३ दिनको समय दिएर तीन दिनअघि नगरपालिकामा ज्ञापनपत्र बुझाएका थिए ।

तर, समयमा सुनुवाई नभएपछि तालाबन्दी गर्न बाध्य भएको शिक्षकहरुको भनाई छ । यता, सबैला नगरपालिकाका मेयरले अधिकृतलाई स्वास्थ्यमा समस्या भएर बिदामा रहेका कारण समयमा तलब उपलब्ध गराउन नसकेको बताए ।

उनले दुईतीन दिनभित्रै शिक्षकहरुको माग पूरा हुने आश्वासन दिए ।