एक्सनमा ईन्सपेक्टर यादव, पुनः ५ ट्रिपर सहित २ जेसिबी पक्राउ

न्यूज ब्यूरो, जनकपुरधाम । अवैद्य उत्खनन्मा सँलग्न ५ ट्रिपर र २ जेसिबी धनुषा प्रहरीले नियन्त्रणमा लिएको छ ।

धनुषाको ईलाका प्रहरी कार्यालय ढल्केवरबाट खटि गएको टोलीले धनुषाधाम नगरपालिका वडा नं. ९ धारापानी स्थित अवैद्य उत्खननमा सँलग्न ट्पिर र जेसिबीलाई नियन्त्रणमा लिएको जनाइएको छ । बुधबार ईलाका प्रहरी कार्यालय ढल्केवरका ईन्सपेक्टर राम कुमार यादवको नेतृत्वमा खटि गएको टोलीले मापदरण्ड विपरित उत्खनन गर्दै गरेको अवस्थामा पक्राउ गरी नियन्त्रणमा राखिएको बताइएको छ ।

प्रहरीले दिएको जानकारी अनुसार पक्राउ गरिएको ट्पिर र जेसिबी स्काईलाईन कन्सट्रक्सन, शिवम कन्सट्रक्सन र चौधरी कन्सट्रक्सनको रहेको छ । प्रहरीले ना १ क ४९५७, ना १ क ६४२३ , ना ५ ख ८५३९, ना ५ क ८१३६ र ना ८ ख ६५२८ नम्बरको ग्राभेल लोड सहितको टिपर पक्राउ गरी नियन्त्रणमा लिएको छ । यसका साथै त्यही अवैद्य उत्खननमा सँलग्न ज १ क ४८८ नम्बर र प्रदेश २–०२–००१ क् ००६४ नम्बरको जेसिबी समेत नियन्त्रणमा लिएको हो ।

उनीहरुले जिल्ला भरिमा कुनै ठाउँबाट ग्राभेल लिन जिल्ला समन्वय समिति धनुषाबाट ईजाजत लिनुपर्ने प्रावधान रहेपनि ईजाजत नै नलिई अवैद्य तरिकाले उत्खनन गर्दै गरेको अवस्थामा पक्राउ गरिएको हो केही दिन अघि मात्र मावि मुलाबारी भिमान स्थितको विद्यालयको जग्गामा अवैद्य उत्खनन गरेको आरोपमा ७ वटा ट्रिपर प्रहरीले पक्राउ गरेको थियो । विद्यालयका प्रधानाध्यापक प्रदीप सिँहको मिलोमत्तो र आदेशमा विद्यालयको जग्गामा अवैद्य उत्खनन गर्ने गरेको बुझिएको छ ।

करिब डेढ बर्ष अघि समेत पक्राउ परेको थियो । बिना अनुमति र ईजाजतको आफूखुसी रुपमा मापदण्ड विपरित उत्खनन गरेको आरोपमा पक्राउ परेको थियो भने नियम अनुसारको जरिवाना तिरेपछि नियन्त्रण मुक्त भएको थियो । पक्राउ गरिएको जेसिबी अहिले धारापानी प्रहरीको नियन्त्रणमा राखिएको छ । ट्रिपर र जेसिबी छुटाउनको लागि पदबालाहरुको दबाब समेत भएको बुझिएको छ ।

यता, ईलाका प्रहरी कार्यालय ढल्केबरका प्रहरी नीरिक्षक राम कुमार यादवले भने कुनै पनि दबाब आफू उपर प्रभाव नपार्ने दाबी गरे । उनले कानुन बमोजिम कारवाहीको लागि आफू अग्रसर रहेको बताउँदै नियम मिच्नेलाई कानुनी दायरामा ल्याउने आफ्नो कर्तव्य रहेको औल्याए ।

यस सन्दर्भमा जिल्ला समन्वय समितिका अध्यक्ष रामदेव यादव (बनरैत) ले बिना अनुमति र मापदरण्ड विपरित उत्खनन गरेको पाइएमा कानुन बमोजिम जरिबानाको व्यवस्था गरिएको बताए । उनले स्काईभेटर र जेसिबीको लागि २० हजार तथा ट्पिरको लागि १० हजार र टयाक्टरको लागि ३ हजार जरिबाना तोकिएको बताए । उनले भने, हामी अबैद्य उत्खनन नियन्त्रणको लागि यतिको प्रयास गरेका छौं, बेला बेलामा अनुमगन पनि गर्छौ तैपनि यिनिहरुले कहाँ कहाँबाट चोरेर यस्ता कार्यहरु गरिरहेका छन् । उनीहरुलाई कारवाही हुन्छ ।

यता, विद्यालयका प्रधानाध्यापक प्रदीप सिँहले मापदण्ड विपरितको आरोप निराधार रहेको बताएका छन् । उनले विद्यालय व्यस्थापन समितिले निर्णय गरी मात्र उत्खनन गर्न दिएको प्रतिक्रिया दिएका छन् । उनले स्थानीय तहबाट सिफारिसको कुरामा केही त्रुटि भएको स्वीकार गर्दै त्यसको लागि पनि निवेदन दर्ता गराएको बताए ।