जनकपुरमा महिलाको कानको बाली छिछोलेर भाग्न खोजेपछि...

न्यूज ब्यूरो, जनकपुरधाम । जनकपुरधाम उपमहानगरपालिका वडा नं. ४ महावीरचौकबाट एकजना युवकलाई चोरीको आरोपमा स्थानीयहरुले पक्राउ गरी प्रहरीलाई बुझाएको छ ।

पक्राउ पर्नेमा पिपरा गाउँपालिका वडा नं. ७ बनौली बस्ने मनोज मिश्रको अन्दाजी २१ वर्षिय छोरा चन्दन कुमार मिश्र रहेको प्रहरीले जनाएको छ ।

जनकपुरधामको पेठिया बजारबाट करीब ४५ वर्षिय एमिना खातुन रामचौक आउने क्रममा ती युवकले कानमा लगाएको बाली छिछोलेर भाग्ने क्रममा स्थानीयहरुले ती युवकलाई पक्राउ गरेको थियो । पक्राउ परेको युवकलाई सोही वडाका वडाध्यक्ष मनोज साहले जानकी प्रहरी चौकीमा बुझाएको छ ।

जनकपुरधाम उपमहा नगरपालिका वडा नं. २४ रुपैठा बस्ने खातुनलाई बजारबाट नै पछाडि गर्दै आएको र महावीर चौकमा आउँदा कानमा लगाएको बोली छिछोलेर भाग्न खोज्दा ती महिला चिच्याउन थालेपछि स्थानीयहरुले पक्राउ गरेको वडा अध्यक्ष साहले बताए ।