कम्युनिष्ट सरकार मधेसीको हक अधिकारको बाधकः नेता साह

न्यूज ब्यूरो, रौतहट । रौतहटको प्रदेश सांसद राजपाका बाबुलाल साहले यो सरकारको मधेसीलाई हेर्ने दृष्टिकोण नै फरक रहेको भन्दै साहले कहिले पनि मधेशीलाई यो सरकारले अधिकार दिन नचाहेको बताएका छन् ।

हिन्दुहरुको महानपर्व शुभ दिपावली एवं छठको अवसरमा रौतहट क्षेत्र नं ३ स्थित माध्यमिक विद्यालय कटहरियामा राजपा नेपालका कटहरिया नगर कमिटिले आज आयोजना गरेको शुभकामना आदान प्रदान कार्यक्रमलाई प्रमुख अतिथिको आसनबाट सम्बोधन गर्दै प्रदेश सांसद बाबुलाल साहले कम्युनिष्ट सरकार मधेशी जनताको साथै मधेशमा परिवर्तन र विकास पनि हेर्न नचाहेको बताए।

सरकारले संविधानमा मधेशी, थारु, आदीवासी, जनजाती, मुस्लिम लगाएतका समुदायलाई कुनै हक अधिकार नदिई चरम विभेद गरेको भन्दै यस्तो विभेदकारी संविधान संशोधन नभएसम्म राजपा नेपाल कुनै पनि हालतमा संविधानलाई स्वीकार गर्न नसक्ने उहाँको भनाइ थियो । गत संसदिय निर्वाचनमा पार्टीका नेता गोविन्द चौधरीले धोका दिएका कारण क्षेत्र नं ३ मा राजपा पराजय भएको साहले दावी गरे।

राजपाका रामाकान्त चौरसियाको अध्यक्षतामा सम्पन्न भएको शुभकामना आदान प्रदान कार्यक्रममा राजपाका जिल्ला संयोजक गिता देवी महतो, राजपाका केन्दिैय सदस्य खेन्हा राय यादव, नागेन्द्र ठाकुर, कमलेश सिंह, दुर्गा साह लगाएतका व्यक्तिहरुले आ-आफनो मन्तव्य दिँदै पार्टीलाई मजबुत बनाउनुपर्ने कुरामा जोड दिएका थिए ।

पुर्व प्रधानाध्यापक एवं राजपा नेपालका जिल्ला सदस्य योगेन्द्र यादव कार्यक्रम सञ्चालन गर्नुभएको थियो भने उमाकान्त सहनी स्वागत मन्तव्य व्यक्त गरेका थिए भने कार्यक्रममा कटहरिया नगर अन्तर्गतका विभिन्न वडाका राजपाका नेता कार्यकर्ताहरुको सहभागिता रहेको थियो ।