सिरहामा बैंकबाट ह्याकरले लुटे २ करोड !

न्यूज ब्यूरो, सिरहा । सिरहामा ह्याकरले कृषि विकास बैंकको करिब २ करोड रुपैयाँ लुटेका छन् ।

बैंकको सिरहा शाखाबाट काठमाडौंमा ट्रान्सफर गरिएको उक्त रकम ह्याकरले सिस्टम ह्याक गरि लुटेका हुन् । ह्याक गरिएको उक्त रकम काठमाडौंबाट निकाल्न लाग्दा प्रहरीले ३ जनालाई पक्राउ गरेको छ ।

उनीहरुलाई मंगलबार दिउँसो ह्याक गरी लुटिएको रकम निकाल्दा(निकाल्दै प्रहरीले पक्राउ गरेको हो । प्रहरीले पक्राउ परेकाहरुको नाम गोप्य राखेको छ भने कसरी ह्याक गरी रकम निकालियोे भन्नेबारे पनि केही बताएको छैन ।

पक्राउ परेका व्यक्ति नेपाली नै हुन् वा विदेशी नागरिक हुन् भन्नेबारे पनि प्रहरीले केही खुलाएको छैन । प्रहरीले यसबारे बैंकका कर्मचारीसहितको सहयोगमा अनुसन्धान सुरु गरेको छ ।

यसअघि एटीएम र स्विफ्ट ह्याक गरी विदेशी नागरिकले झण्डै २ करोड रकम चोरी गरेका थिए । तर, कृषि विकास बैंकमा भने योभन्दा पनि फरक तरिकाले रकम चोरी भएको बताइएको छ ।