राजपा संयोजकमा 'महन्थ ठाकुर'

न्यूज ब्यूरो, जनकपुरधाम । राष्ट्रिय जनता पार्टी (राजपा) नेपालको अध्यक्ष मण्डलको संयोजकमा महन्थ ठाकुर चयन भएका छन् ।

राजपाको सोमबार सकेको अध्यक्ष मण्डलको बैठकले नेता ठाकुरलाई संयोजकको जिम्मेवारी दिएको हो । राजपाको विधान अनुसार अध्यक्ष मण्डलका ६ जना सदस्यमध्येहरु दुई दुई महिनामा पालैपालो (चक्रिय प्रणाली अनुसार) संयोजक तोकिन्छन् ।

राजपा स्थापना हुँदा पनि ठाकुर संयोजक थिए । केही महिनासम्म उनी अध्यक्ष रहेपनि पार्टीभित्र विवाद भएपछि चक्रिय प्रणाली लागू गरिएको थियो । यो प्रणाली अन्तर्गत राजपा अध्यक्ष मण्डलका सबै सदस्यहरु पालैपालो संयोजक भइसकेका छन् ।

राजपाको महाधिवेशन पनि ठाकुरकै नेतृत्वमा गर्ने पार्टीको तयारी छ ।