महोत्तरीमा पोखरीमा महिलाको शव !

न्यूज ब्यूरो, महोत्तरी । महोत्तरीमा एक महिलाको शव फेला परेको छ ।

महोत्तरी बर्दिवास नगरपालिका–१२ विजलपुरास्थित माछा पोखरीमा धनुषा क्षीरेश्वरनाथ नगरपालिका ५ की ३४ वर्षीया मिनादेवी सुवेदी मृत अवस्थामा भेटिएकी हुन् । शनिवार साँझको समयमा बाख्राको लागि घाँस काट्न गएकी मिना राति अबेरसम्म नआएपछि खोजतलाश गर्दा पोखरीमा मृत अवस्थामा भेटिएको प्रहरीले जनाएको छ ।

मृतक महिला पतिसँगै सोही पोखरीको माछा रेखदेखको काम गर्दै आएको बताइएको छ । मृतकको शव पोष्टमार्टमको लागि जनकपुर अञ्चल अस्पताल पठाइएको छ ।

घटनाबारे अनुसन्धान भइरहेको महोत्तरी प्रहरीले जनाएको छ ।