संविधानको विरोधमा हेल्प मधेशीले पनि मनायो कालो दिन

न्यूज ब्यूरो, धनुषा । नेपालको संविधानको विरोधमा विभिन्न संघ संस्थाहरुले समेत कालो दिनको रुपमा मनाएको छ ।

मधेशभर विरोधका कार्यक्रम गरी कालो दिन मनाइरहँदा समाजिक संस्था हेल्प मधेशीले समेत कालो दिवस मनाएको छ । धनुषाको धनुषाधाम नगरपालिकास्थित धनुष मन्दिर अगाडि हेल्प मधेशी नेपालले असोज ३ गतेलाई कालो दिनको रुपमा मनाएको हो ।

अहिलेको संविधान सर्वस्वीकार्य नरहेको भन्दै हेल्प मधेशीका केन्द्रीय सदस्य संजय यादवको अध्यक्षता एवम् केन्द्रिय अध्यक्ष रामउदगार यादवको अगुवाईमा धनुषाको विभिन्न स्थानमा विरोधको कार्यक्रम गरी कालो पट्टी बाँधेर संकेतिक विरोध गरिएको छ ।

कार्यक्रममा हेल्प मधेशी धनुषाका अध्यक्ष सम्भु साह, सदस्य राम दयाल यादव लगायतका सरिक थिए ।