पर्सामा घाँटी रेटिएको अवस्थामा युवकको शव फेला

न्यूज ब्यूरो, पर्सा । पर्सामा घाँटी रेटेर हत्या गरिएको अवस्थामा युवकको शव फेला परेको छ ।

पर्साको बिन्दवासिनी गाउँपालिकामा अन्दाजी २५ वर्षीय युवकको घाँटी रेटेर हत्या गरिएको अवस्थामा शव भेटिएको हो । मंगलबार दिउँसो विन्दवासिनी गाउँपालिका ५ हासवास्थित पुल नजिकै खाल्डोमा फेला परेको युवकको पहिचान भने हुन सकेको छैन ।

जिउमा सेतो कालो धर्का भएको रातो टी सर्ट, कालो जीन्स पाइन्ट र रातै जुत्ता लगाएका युवकलाई घाँटीमा धारिलो हतियार प्रहार गरि हत्या गरिएको छ ।

मुचुल्का उठाएर शव पोष्टमार्टमका लागि लगिएको तथा घटनाबारे अनुसन्धान भइरहेको जिल्ला प्रहरी कार्यालय पर्साले जनाएको छ ।