जनकपुरमा ११ हजार भोल्टको करेन्ट लागेर विद्युत कर्मचारीको मृत्यू  !

न्यूज ब्यूरो, जनकपुरधाम । प्रदेश नं. २ को धनुषामा एक युवकको करेन्ट लागेर मृत्यू भएको छ ।

धनुषाको क्षीरेश्वरनाथ नगरपालिका वडा नं. १ रमदैयामा विद्युत कर्मचारीलाई नै करेन्ट लागेर मृत्यू भएको जिल्ला प्रहरी कार्यालय धनुषाले जनाएको छ । जिल्ला प्रहरी कार्यालय धनुषाका प्रहरी प्रवक्ता रामेश्वर कार्कीका अनुसार विद्युत कार्यालय महेन्द्रनगरको सवारी चालकको करेन्ट लागेर मृत्यू भएको हो । मृत्यू हुनेमा बटेश्वर गाउँपालिका वडा नं. ४ बस्ने राम विलास महतोको छोरा अन्दाजी बर्ष ४० का विष्णु महतो रहेको छ ।

सोमबार (आज) विहान करिब ११ः३० बजेको समयमा क्षीरेश्वरनाथ नगपालिकाको वडा नं. १ रमदैया स्थित बिग्रेको विद्युतिय ट्रान्सफर्मर बनाउको लागि गएको बेला गाडीबाट भर्‍याङ (सिढी) निकाल्ने क्रममा नजिकै रहेको ११ हजार भोल्ट प्रवाहित विद्युतिय तारमा छोएपछि दुर्घटना भएको जिल्ला प्रहरी कार्यालय धनुषाको रिपोर्ट छ । प्रवक्ता कार्कीका अनुसार, बिग्रेको ट्रान्सफरमर बनाउको लागि ना ४ च ४५८ नम्बरको गाडी विद्युत कार्यालयले भाडामा लिएर चलाउँदै आएको थियो भने मृतक महतो सवारी चालकको रुपमा काम गर्दै आएका थियो ।

सिढीमा ११ हजार भोल्ट तार छोएपछि उनलाई करेन्ट लागेर गम्भिर घाईते बनाएको थियो । त्यसै बखत उपचारको लागि नजिकै रहेको जानकी मेडिकल कलेजमा उपचारको लागि लैजाँदै गर्दा उनको मृत्यू भएको धनुषा प्रहरीले जनाएको छ । मृतकको शव पोष्टमार्टमको लागि जनकपुर अञ्चल अस्पतालमा ल्याइएको जनाइएको छ ।