लैंगिक हिसाबाट पीडितहरुको लागि सेवा प्रदायक निकायको नक्सांकन गरिने

न्यूज ब्यूरो, जनकपुरधाम । विभिन्न समयमा लैंगिक हिँसाबाट पीडित तथा प्रभावितहरुका लागि उपलब्ध सेवा प्रदायक निकायहरुको पहिचाएन एव् नक्सांकन गरिने भएको छ ।

सेवा प्रदायक निकायहरुले प्रदान गर्ने सेवाहरुबारे सूचना संकलन गर्ने उदेश्यका साथ जनकपुरमा आयोजना गरिएको एक सिफारिस सँयन्त्र सबलीकरण कार्यशालामा वक्ताहरुले लैंगिक हिँसाबाट पीडित तथा प्रभावितहरुको लागि सरकारी निकायबाट आउने सेवा सुविधा तथा अन्य निकायबाट आउने सेवा सुविधालाई नक्सांकन गर्ने गरी कार्य अगाडी बढाउने भएको हो ।

समाजिक सँस्था समग्र लहान 'सहज परियोजना' को आयोजनामा गरिएको सो कार्यशालामा सहभागी विभिन्न निकायका प्रतिनीधिहरुले हिँसा पीडितहरुको लागि आउने गरेको सेवा सुविधा सम्बन्धित पीडित समक्ष पुग्नुपर्ने बताएका थिए । जिल्ला समन्वय समिति धनुषाका उप प्रमुख दीपक कुमार झाको अध्यक्षता एवम् धनुषा शहिदनगर नगरपालिकाकी उपमेयर शिलादेवी कापरको प्रमुख आतिथ्यमा सम्पन्न भएको कार्यशालाको क्रममा आयोजक सँस्थाले सेवा प्रदायकहरुको बीचको समन्वय एवम् सहकार्यको लेखाजोखा गरी हिँसाबाट पीडित तथा प्रभावितहरुलाई सेवामा सहज र प्रभावकारी पहुँच स्थापित गर्दै उनीहरुको समस्याको समग्र सम्बोधन गर्नका लागि सिफारिस सँयन्त्रलाई बलियो बनाउने प्रतिवद्धता जाहेर गरेको थियो ।

लैंगिक हिँसा नेपाली समाजमा जटिल समस्याको रुपमा रहेको बताउँदै समाजिक सँस्था मधेश सचेनता केन्द्रका अध्यक्ष धर्मेन्द्र शर्माले यस्तो हिँसाबाट धेरै जसो सँख्यामा महिला, किशोरी तथा बालिकाहरु प्रभावित हुने गरेको बताए । यस्ता समस्या वर्तमान अवस्थामा समाजमा विद्यमान हानिकारकको रुपमा रहेको औल्याउँदै उनले यस जटिलतलाई खुकुलो बनाउन तथा यी समस्या न्यूनिकरणको लागि आफूहरु अग्रसर भएको बताए ।

हिंसाबाट पीडित तथा प्रभावितहरुको समग्र आवश्यकता सम्बोधन गर्नको लागि सेवा प्रदायक निकायहरुको बीचमा केश सिफारिस सँयन्त्रको स्थापना र अभ्यास हुनु आवश्यक रहेको बताउँदै परियोजना प्रबन्धक रामबाबू साहले संयन्त्रको स्थापना एवम् सबलीकरणको लागि विभिन्न निकायका प्रतिनीधी तथा अगुवाहरु सम्मलित कार्यशाला आयोजनाको उदेश्य सुनाए ।

सो कार्यशाला गोष्ठीमा जिल्ला प्रहरी कार्यालय धनुषाका प्रहरी प्रवक्ता एवम् डिएसपी रामेश्वर कार्कीले आयोजक सँस्थालाई धन्यावद ज्ञापन गर्दै आफ्नो उदेश्यप्रति अडिग रही लैंगिक हिंसा जस्ता समाजिक अपराध र विकृतिलाई न्यून गर्नको लागि प्रहरीले समेत सघाउने प्रतिवद्धता जाहेर गरे ।

भिएसओ, ईन्टरनेशनल अलर्टको सहयोग तथा जिल्ला प्रहरी कार्यालय धनुषाको सहकार्यमा सम्पन्न भएको सो परियोजनाको कार्यशालामा डिएसपी रामेश्वर कार्कीको विशिष्ट आतिथ्य थियो भने शहिदनगर नपा वडा नं. ३ का वडाध्यक्ष नागेन्द्र प्रसाद मण्डल, वडा नं. ४ का वडाध्यक्ष कन्हैया मुखिया, न्यायिक समिति सल्लाहकार हलखोी कापर सहित वडासदस्यहरु अतिथिको रुपमा सहभागीता जनाएका थिए ।

सोही कार्यक्रममा जानकी महिला जागरण समाजका प्रतिनीधि, ओरेक नेपालका प्रतिनीधि बिना सिँह, धनुषा महिला समाजका प्रतिनीधि, लैंगिक हिँसा निवारण सँजालका प्रतिनीधि, अधिकारकर्मी, पत्रकारहरुको समेत सहभागीता रहेको थियो । सो कार्यक्रमलाई सहज परियोजनाकी धनुषा र महोत्तरी अधिकृत पूजा शर्माले संचालन गरेकी थिइन् ।