विप्लव समूहका महोत्तरी ईन्चार्ज कार्की पक्राउ

न्यूज ब्यूरो, महोत्तरी । नेत्रविक्रम चन्द विप्लव नेतृत्वको नेकपाका महोत्तरी जिल्ला इन्चार्जलाई प्रहरीले पक्राउ गरेको छ ।

महोत्तरी प्रहरीले विप्लव समूहका जिल्ला ईन्चार्ज रुपेशबहादुर कार्की (रुपु) लाई बर्दिबासस्थित रातु नदीको पुलबाट पक्राउ गरेको हो ।

मोटरसाइकलमा सवार कार्कीको साथबाट दलित मुक्ति मोर्चाको सदस्यता नवीकरण फारमहरू बरामद गरिएको प्रहरीले जनाएको छ । बर्दिबास क्षेत्रमा बम राखेर आतंक फैलाएको आरोप उनलाई प्रहरीले पक्राउ गरेको हो ।

कार्की उपर सोही आरोपमा मुद्दा चलाउन तयारी गरिएको महोत्तरी प्रहरीले जनाएको छ । उनीमाथि थप अनुसन्धान भइरहेको छ ।