सिरहामा कुटेरै एक पुरुषको हत्या, दोषी समाउन प्रहरी गम्भीर नभएको गुनासो

न्यूज ब्यूरो, सिरहा । सिरहामा एकजनाको हत्या भएको छ । सिरहाको कल्याणपुर नगरपालिका ३ स्थित ईटारी प्रसाहीमा कुटेरै एकजनाको ज्यान लिइएको हो ।

स्थानीय ४५ वर्षका विश्वनाथ मुखियालाई गाईभैसी चराउन कमला नदीमा गएको बेला सोमबार राति अज्ञात समुहले कुटपिट गरि घाँटी थिचेर हत्या गरे । तर, प्रहरीले घटनामा संलग्नहरुहरुबारे खोजविन कार्य जारी राखेको बताएपनि हालसम्म पत्ता लगाउन सकेको छैन ।

घटना उपर प्रहरीले गम्भीरता नदेखाएको पीडित परिवारको गुनासो छ । उनको हत्या कसले र किन गर्यो भन्नबारे केही खुल्न नसकेको प्रहरीको भनाई छ । प्रहरीले भने खोजविन जारी राखेको बताउँछन् ।घटनाको अनुसन्धान भइरहेको र घटनामा संलग्नको खोजी भइरहेको जिल्ला प्रहरी कार्यालय सिरहाका प्रवक्ता तथा डिएसपी अपिलराज बोहराले बताए ।