सिरहाबाट लागु औषधसहित २ युवक पक्राउ

न्यूज ब्यूरो, सिरहा । सिरहामा लागु औषधसहित दुई युवक पक्राउ परेका छन् । सिरहाको बरियारपट्टी गाउँपालिका–३ स्थित दुर्गा मन्दिर नजिकबाट प्रहरीले दुई जनालाई समातेको हो ।

पक्राउ पर्नेमा सिरहाको सुखीपुर नगरपालिका–८ का २५ वर्षीय राहुल साह र सोही ठाउँका १८ वर्षीय बिकल पञ्जियार रहेका छन् ।

ईलाका प्रहरी कार्यालय बरियारपट्टीबाट खटिएको टोलीले उनीहरुको साथबाट लागुऔषध १६ ट्यावलेट नाइट्रोभेट ट्याबलेट बरामद गरेको सिरहा प्रहरीले जनाएको छ ।