नेता प्रभु साहको राजीनामासँगै उपेन्द्रले गरे अशोक माथि कारवाहीको माग !

न्यूज ब्यूरो, रौतहट । प्रदेश नं. २ का नेकपाका पूर्व अध्यक्ष एवम् प्रभावशाली नेता प्रभू साहले राजीनामा दिएपछि नेकपाको प्रादेशिक सदस्यहरुम हलचल भएको छ ।

सोही क्रममा कपोल कल्पित कुरोहरु राखेर जनतामाझ अनेक भ्रम फैलाउनुका साथै ब्यक्तीको चरित्र हत्या गरेको भन्दै नेपाल क्मयुनिष्ट पार्टी प्रदेश २ का सदस्य अशोक भन्ने सुरेन्द्र जयसवाल माथी कार्यवाहीको माग गरीएको छ । कम्युनिष्ट पार्टीमा गद्धार चरित्र भएका आरोप लगाउँदै केही कार्यकर्ताका साथै पत्रकार सम्मेलन गरी पार्टीको निति बिपरीत गुटगत खेती,निच हर्कत,गैरजिम्मेवार प्रवृती लिएर अरुमाथी दोसारोपन गर्ने प्रदेश कमिटि सदस्य जयसवाल माथी कार्यवाहीको माग गरीएको हो ।

नेपाल कम्युनिष्ट पार्टी प्रदेश २ का सदस्य एवं पुर्व केन्द्रिय सदस्य उपेन्द्र साहले एक बिज्ञप्ती प्रकाशित गरी अशोक भनिने सुरेन्द्र जयसवाल माथी पार्टी निति बिपरीतको अभियोगमा कडा भन्दा कडा कार्यवाहीको माग गरेका हुन ।

२०७४ को स्थानिय निर्वाचनमा जिल्लाका १८ वटा पालिका मध्ये ६ वटा नगरपालिकामा अशाकले आफना आसपासेहरुलाई मेयरको टिकट दिलाएकोमा जन बिश्वासको अभावमा क्रमश ः गरुडा, परोहा, ईशनाथ, राजपुर लगायतका उमेदवारहरु पराजितको मुख हेर्नुुपरेको बिज्ञप्तीमा उलेख रहेको छ । प्रदेश कमिटि,जिल्ला,नगर,गाँउकमिटिमा आरोप लगायनु आफैमा लज्जास्पद रहेको प्रदेश कमिटि सदस्य उपेन्द्र साहद्धारा हस्ताक्षरीत बिज्ञप्तीमा उलेख रहेको छ ।

उक्त कमिटिहरु केन्द्र,प्रदेश जिल्ला कार्यदलको सहमतीमा भएकाले त्यसको दोषारोपन पार्टी प्रदेशका अध्यक्ष सांसद प्रभु साह माथी थुर्पानुको कुनै औचित्य नरहेको बिज्ञप्ती मार्फत प्रस्ट पारीएको छ ।

कसैको ब्यक्तीगत चरित्र हत्या गर्ने र अनेक भ्रामक प्रचारमा लाग्ने सुरेन्द्र जयसवाल जस्ता ब्यक्तीहरु बाट सचेत रहन सबै कार्यकर्ता संग अनुरोध गरीएको छ । बुधवार जिल्ला सदरमुकाम गौर स्थित नेकपा प्रदेश कमिटि सदस्य अशोक भनिने सुरेन्द्र जयसवालका साथै २०७४को स्थानिय निर्वाचन अघि नै तत्कालिन माओबादी पार्टी परित्याग गरी बिभिन्न दलको टिकट बाट उमेदवारी समेत दिसकेका समिलित एकटोलीले पत्रकार सम्मेलनको आयोजना गरेको थियो।

उक्त पत्रकार सम्मेलनमा जयसवालले प्रदेश कमिटिका बर्तमान अध्यक्ष सांसद प्रभु साहले टिकट बितरण लगायत बिभिन्न कमिटि गठनमा आफनो गुटगत स्वार्थ अघि सारेकाले जिल्लामा पार्टीको अवस्था कमजोर भएको भन्दै अध्यक्ष साह माथी पार्टीद्धारा कार्यवाहीको माग गरेका थिए । नेकपा अध्यक्ष साहले आफूलाई पार्टीले स्वतन्त्र रुपमा काम गर्न नदिएको भन्दै केहीदिन अघि राजिनामा दिएका थिए । सोही राजिनामा स्वीकृत गराउन पार्टी नेतृत्वकर्तालाई दबाब दिन जयसवालले आफ्नो पक्षधरको भेला बोलाई पत्रकार सम्मेलन गरेका थिए ।

साहको राजिनामा पछि कार्यकर्तामा निराशा

सत्तारुढ नेपाल कम्युनिष्ट पार्टी (नेकपा) प्रदेश नम्बर २ का अध्यक्ष प्रभु साहले पदबाट राजिनामा दिएपछि पार्टी कार्यकर्ता पङ्तिमा निराशा तथा आक्रोश बढेको छ । नेतृत्व तहबाट निरन्तर गलत निर्णय र असहयोग भएको भन्दै काम गर्ने वातावरण नभएको ठहर गर्दै साहले पार्टी अध्यक्ष पुष्पकमल दाहाललाई राजिनामा दिएका हुन् ।

उनको यस निर्णयमा नेकपा प्रदेश सचिव सुमनराज प्याकुरेल समर्थन जनाउछन्, ‘पार्टीको नीति र कार्य्विभाजन लगायतको विषयमा भन्दा पनि साहजीको असन्तुष्टि प्रदेश अध्यक्षको भुमिका निर्वाह गर्ने बखत आउने अवरोधमा थियो । साहजीको यस निर्णयमा मेरो समर्थन छ। मात्र नभइ प्रदेश पदाधिकारीहरुकै साझा धारणाको रुपमा बुझ्दा हुन्छ ।’

नेकपा अध्यक्ष दाहाल निकट स्रोतका अनुसार दाहालले उक्त राजिनामा स्वीकृत गर्ने मनस्थितिमा नरहेको र साहलाई पुनः जिम्मेवारीमा फर्काउन प्रयासरत रहेका छन् । स्रोतले भन्यो, ‘अध्यक्ष प्रचण्डका लागि प्रभु साहको राजिनामा अचानक भएको घटनाको रुपमा रहयो । अध्यक्षले त राजिनामा बुझ्न पनि मान्नुभएको थिएन् । उहाँले राजिनामा स्वीकृत नगर्ने र प्रदेशमा निर्वाध रुपमा काम गर्ने वातावरण प्रदान गर्ने हिसाबले तयारी गर्दै हुनुहुन्छ।’ साहको राजिनामा भने अझै स्वीकृत भइसकेको छैन् ।

साहले राजिनामा बुझाएपछि मुलतः प्रदेश नम्बर २ का कार्यकर्ताहरुले प्रतिक्रिया जनाउदै यस कार्यलाई दुखद बताउदै नेतृत्व तहलाई सोचविचार गर्न आग्रह गरेका छन् । रौतहट जिल्ला इन्चार्ज तथा केन्द्रीय सदस्य युवराज भट्टराईका लागि यो घट्ना अविश्नीय छ । भट्टराईले भने, ‘यो खबर सुन्दा विश्वास लागेको थिएन् तर हो रहेछ । प्रभुजी जस्तो नेतालाई पनि पार्टी नेतृत्वले काम गर्ने वातावारण दिन सक्दैन भने पार्टी र हामी कार्यकर्ता कसरी क्रान्तिलाई अगाडि बढाउन सक्छौ, पार्टीले बुझ्न जरुरी छ।’

नेकपा बारा जिल्ला सदस्य मुकेश साहले यसले समग्रमा पार्टीलाई नै अहित गर्ने बताछन् । सबै पक्षलाई समेटेर काम गर्ने नेता प्रभु साहलाई पार्टी्भित्रकै नेताले घेराबन्दी गर्नुभन्दा दुखद केही हुन नसक्ने उनी बताउछन् । सामाजिक संजालमा पनि यस वियषमा नेता कार्यकर्ता तथा सर्वसाधारणले आक्रोशपूर्ण टिप्पणी गरिरहेका छन् ।