सर्लाहीको जंगलमा घाँटी रेटिएको अवस्था युवतीको शव फेला परेपछि...

न्यूज ब्यूरो, सर्लाही । सर्लाहीको एक जंगलमा घाँटी रेटिएको अवस्थामा एक युवतिको शव फेला परेको छ ।

सर्लाहीको ईश्वरपुर नगरपालिका १३ घाटटोलभन्दा करिब एक किलोमिटर उत्तरमा रहेको सागरनाथ वन विकास परियोजना जंगलमा मंगलबार एक युवतीको घाँटी रेटेर हत्या गरिएको अवस्थामा शव भेटिएको हो ।

अन्दाजि करिब १७ वर्षकी रहेकी मृतक युवतिको अहिलेसम्म पहिचान खुल्न नसकेको सर्लाहीका प्रहरी प्रमुख प्रहरी उपरीक्षक गोपालचन्द भट्टराईले जानकारी दिए । युवतिको कसले र किन हत्या गरेको भन्नेबारे केही खुल्न नसकेको तथा यस उपर खोज अनुसन्धान भइरहेको प्रहरीले जनाएको छ ।

शव पोष्टमार्टमको लागि जिल्ला अस्पताल मलंगवा लगिएको एसपी भट्टराईले बताए ।