नेकपाका प्रभावशाली नेता 'प्रभू साह' ले दिए राजीनामा !

न्यूज ब्यूरो, जनकपुरधाम । प्रदेश नं. २ का प्रभावशाली नेता मानिएको प्रभू साह आफ्नो पदबाट राजीनामा दिएका हुन् ।

प्रदेश नं. २ का नेकपाका अध्यक्ष पदमा रहँदा उनलाई आन्तरिक दबाबका कारण राजीनामा दिन बाध्य बनाएको श्रोतको दाबी छ । साहले मँगलबार पार्टी अध्यक्ष पुष्पकमल दाहाल प्रचण्डलाई भेटेर साहले प्रदेश अध्यक्ष पदबाट राजीनामा दिएका हुन् । स्थायी कमिटी सदस्यका प्रवल दाबेदार मानिएका साहको नाम कमिटीमा नपरेपछि उनी असन्तुष्ट थिए । तर पनि पार्टी एकीकरणलाई निष्कर्षमा पुर्याउन उनी मौन बसेका थिए ।

रौतहटमा आफ्नो अड्डा जमाएका प्रभावशाली नेता माधव कुमार नेपालको आन्तरिक दबाब र प्रभावका कारण राजीनामा दिएको नेता साह निकट श्रोतले जानकारी दिएका छन् । न्यूज ब्यूरोसँग उनले अध्यक्षको जिम्मेवारी दिएपनि भूमिकामा भने शून्य बनाएको कारण उनले राजीनामा दिएका हुन् । प्रदेश कमिटी सदस्यहरुको चयनदेखि पछिल्लो समय जिल्ला कमिटीको पदाधिकारी चयन गर्दा प्रदेश कमिटीलाई अप्ठ्यारो पार्ने सोचबाट भएको बुझाइ साहको छ। प्रदेश सदस्यहरुको चयन गरिँदा अध्यक्ष साहसँग सल्लाह नगरी पार्टी सदस्य नभएकालाई समेत प्रदेश सदस्य बनाइएपछि पनि असन्तुष्ट थिए ।

पार्टीको माथिल्लो निकायको गलत निर्णय र निर्देशनका कारण काम गर्ने वातावरण नभएको भन्दै हरेक कार्यमा पार्टीको नेतृत्व तहबाट नै असहयोग र चौतर्फी घेराबन्दी भएका कारण पदबाट राजीनामा दिएको साहको भनाईलाई उदृत गर्दै उनका निकट श्रोतले जनकारी दिए । उनका अनुसार केही बेरमा विज्ञप्ति जारी गरी अधिकारी र औपचारिक रुपमा राजीनामा दिने भएका छन् ।