दुई बर्षभित्रै जयनगर देखि बर्दिवाससम्म रेल गुड्ने ! ( भिडियो सहित )

जनकपुरधाम, १२ पुस ।
तराई मधेस एवम् समग्र नेपालीकै प्रतिक्षारत रहेको जयनगर बर्दिवास ब्रोडगेज रेल्वे अबको दुई बर्ष भित्रै गुड्ने भएको छ ।
भारत विहारको जयनगर देखि नेपालको महोत्तरी जिल्ला बर्दिवाससम्म निर्माण हुन लागेको रेल्वे लिकको कार्य अति तिब्र बनाइएको छ ।

रेल्वे लाईन निर्माणको मुख्य जिम्मेवारी पाएका भारतको एक निर्माण कम्पनीले रेल्वेको पटरी बिछयाउने कार्य अति तिव्र रुपमा भइरहेकोले अबको दई बर्ष भित्रै जयनगर देखि बर्दिवास सम्म रेल्वे गुड्ने दाबी गरे ।

निर्माण कम्पनीका ठेकेदारले जनाए अनुसार, रेल्वे लिकको कार्य अति तिब्र पारिएको छ । अहिलेसम्म ६० प्रतिशत कार्य पुरा भइसकेकोले बाँकी ४० प्रतिशतको लागि दुई बर्ष काफी भएको जनाए ।

भिडियो हेर्नुहोस !

जयनगरदेखि बर्दिवास सम्मको रेल्वे लाईनमा माटो पुरने, ग्राभेल गर्ने, पत्थर ओछयाउने कार्य भइरहेको छ भने लिक पटरीको लागि पटरी पनि ओछयाउन सुरु भईसकेको हो ।
जयनगर देखि बर्दिवास सम्मको ब्रोडगेज रेल्वे गुड्ने भएपछि तराई मधेसको सर्वसाधारणले बजार पुग्न सहजता पुग्ने छ ।

विशेष गरी धनुषाको पूर्वी बेल्टका सर्वसाधारण र महोत्तरीका सर्वसाधारणहरुले जयनगर जनकपुर आवत जावत सहित व्यापारिक दृष्टिकोणले पनि सहजता प्रदान गर्नेछन् ।