महिलाको सिकरी चोरेर भाग्न खोज्दा...

न्यूज ब्यूरो, महेन्द्रनगर । धनुषामा एक महिलाको सिकरी (चैन) चोरेर भाग्दै गरेको अवस्थामा एक जनालाई पक्राउ गरिएको छ ।

धनुषाको धनुषाधाम नगरपालिका वडा नं. ७ किसानपुर बजारबाट महिलाको सिकरि चोरी गरी भाग्दै गरेका एक पाकेटमारलाई प्रहरीले पक्राउ गरि नियन्त्रणमा लिएको हो । किसानपुर बजारमा साझ ६ः३० मा स्थानिय रामकुमार कार्कीकी श्रीमति अर्चना कार्की खडका बजारमा तरकारी किनीरहेको अवस्थामा गालामा लगाएको सुनको सिकरी खोसेर भागेको बताइएको छ । सिकरी चोरी भएलगत्तै बजारमा होहल्ला भएपछि तत्कालै स्थानीय प्रहरीलाई जानकारी गराएपछि प्रहरीको घुम्ती टोलीले चोरी गर्ने युवकलाई पक्राउ गरेको हो ।

ईलाका प्रहरी कार्यालय धनुषाधामबाट खटि गएको घुम्ति टोलि सिकरी चोरलाई पक्राउ गरेको प्रहरी ईन्चार्ज एवम प्रहरी नीरिक्षक रामकुमार यादवले जानकारी दिए । यादवका अनुसार केही समयपछि नै प्रहरीको घुम्ती टोली खटाई उनलाई पक्राउ गरिएको हो । प्रारम्भिक जानकारी अनुसार, चोरीको आरोपमा पक्राउ गरिएका अभियुक्त विरगंज उपमहानगरपालिका वडा नं. २२ प्रसौनिको गौरि शंकर राईको छोरा राहुल राई रहेको छ । उनलाई नियन्त्रणमा राखी अनुसन्धान थालिएको हो ।