सुरक्षाकर्मी र स्थानिय मुकदर्शक, हेर्दाहेर्दै बाढीले साहलाई बगाए

न्यूज ब्यूरो, सिरहा । कमला नदिमा शनिबार आएको अत्यधिक बाढीले कर्जन्हा नगरपालिका वडा नं. १ वस्ने ७० वर्षिय भोला साहलाई बगाएको छ ।

कर्जन्हा नगरपालिका वडा नं. १ वस्ने भोला साह उत्तरवाहिनीको एक कुट्टीमा बबाजीको रुपमा वस्दै आएका थिए । शुक्रबार राती सुत्दा कमला नदीमा थोरै वाढी रहेको भन्दै उत्तरवाहिनी स्थित रहेको एक कुटीमा सुतेका थिए । बिहान उठ्दा चौरै तिर कमला नदीको बाढीले छेकेपछि उहाँ अलपत्र परेका थिए ।

उहाँले बचाउन सबैलाई हारगुहार गर्दैथिए शनिबार बिहानै देखि करिब चार पाँच सयको मानिसको भिड र सुरक्षाकर्मीले समेत उनलाई हेरिरहेका थिए तर, ११ बजे आउन बाहिर निस्कन खोज्दा सुरक्षाकर्मी र स्थानियहरु देख्दादेख्दै बगाएको कर्जन्हा नगरपालिका वडा नं. १ का वडा अध्यक्ष मोहन के।सीले जानकारी दिए ।

वडा अध्यक्ष के।सी।का अनुसार वाढीले बयर बनी, उत्तरवाहिनीमा रहेको आधा दर्जन होटल पसलहरु समेत बगेको जानकारी दिए । यता कर्जन्हा नगरपालिकाको नगर प्रमुख गंगा पासमानले साह बगेर मृत्यूभएपछि गहिरो दुःख व्यक्त गर्नुभएको छ । नगर प्रमुख पासमानले उनको परिवारलाई सन्तावना दिदै नगरपालिकाबाट हुन सक्ने राहत मिल्ने बताए ।

जयनगर सम्म समेत लास खोज्दा नभेटिएपछि आजबाट उनको कृयामा परिवारजन बसेको स्थानियले जानकारी दिए ।