हँसपुरकी उपमेयर 'रेणु झा' लाई मर्यादामा बस्न मेयर मण्डलको चेतावनी

न्यूज ब्यूरो, जनकपुरधाम । हँसपुर नगरपालिकाका प्रमुख रामज्ञान मंडलले उपमेयर रेणु झा जथाभावी एवम् झुठ उपर झुठ बोलेको आरोप लगाएका छन् ।

मेयर मण्डल उपर उप प्रमुख झा द्वारा लगाएका विभिन्न आरोपलाई मेयर मंडलले खण्डन गर्दै उनको मानसिकता नै परिवर्तन भएको तथा झुठैझुठको खेती गरेको बताए । उनले उपमेयर झालाई सबै सुविधा प्रदान गरिएपनि रानी बन्न खोजेको आरोप लगाए ।

उप प्रमुख झाकी अन्तर्वार्ता एक सँचारमाध्यममा आएपछि मेयर मंडलको ध्यानाकर्षण भएको हो । उप प्रमुख झाले लगाएको आरोपलाई तथ्यहीन बताउदै उनले भने - "निर्वाचन पहिले चुनावमा तपाईले उमेदवारी नदिने हो भने म पनि उमेदवारी दिन्न हाम्रो उप प्रमुखले प्रतीज्ञा खाएका थिइन निर्वाचित भैसकेपछि पनि हामी दुबै जना एउटै गाडीमा ८ ९ महिना सँगै घुमेका थिए पछि उनकी लागि छुट्टै गाडी उपलब्ध गराए तर मिडियामा गएर भन्छिन् निर्वाचित भएको दिन देखि हामी बीच बोलचाल छैन् यत्रो झुठो बोलिनु पर्ने अवस्था किन आयो ? अहिले अचानक उनकी मानसिकतानै परिवर्तन भएको देखेर आश्चर्यचकित भएको छु ।"

"उप प्रमुख झाले मेरो आलोचना गर्दागर्दै आफ्ना काम कर्तव्य र अधिकार बिर्सिए । के जनताले उप प्रमुखलाई मेरो आलोचना गर्नकै लागि मत दिएका छन् की नगरबासी काम गर्नका लागि ? मर्यादाको सिमा नाघेर विभिन्न संचार माध्यममा बोल्दै हिडेका हुन् । के उप प्रमुखलाई मर्यादाको सिमामा बस्नु पर्दैन ? हो मैले कतै भ्रष्टाचार गरेको छु भने प्रमाण सहित ल्याएर देखाउनुस म भ्रष्टाचारी ठहरिए भने सजाय भोग्न तयार रहे छु । अन्यथा बिना प्रमाण बिना आधार कसैको चरीत्र संग खेलवाड कुनै अधिकार छैन् ।" - उनले आक्रोस पोखे ।

"प्रत्येक नगरपालिका गाउँपालिकामा उप प्रमुखको संयोजकत्वमा तीन सदस्य एउटा न्यायीक समित रहने गरी संविधानले ग्यारेन्टी गरेको हो । त्यसै अनुरुप न्यायीक समिति स्वतन्त्र भएको बताउँदै नगर प्रमुखले उप प्रमुखको अधिकार बुझेकी जीकीर गरे । उनले उमेयर झाले आफ्ना अधिकार पनि बिर्सेका छैन् । तर आरोप लगाउनु भएछ की हाम्रो न्यायीक समितिमा नगर प्रमुखले हस्तक्षेप गरिरहेको छ, म कहिले र कहाँ हस्तक्षेप गरेको छु ? त्यो कुरा बाहिर ल्याउनु पर्छ की पर्दैन ? नगर बोर्डको बैठकमा कुरा उठाउनु पर्छ की पर्दैन ? जब नगरबासीले कसैबाट आफू अन्यायमा परेको अनुभुती गर्छ तब न्यायको लागि न्यायीक समितिमा उजुरी गर्न आउछन् ।"- उनले भने ।

न्यायीक समितिकी संयोजक झाले आम सर्वसाधारण पीडितको उजुरी नै नलिदा आस लिएर आएका ती नगरबासी रित्तै हात फर्किन बाध्य भएको दुःखेको पोखे । उनले भने, "त्यो पिडा मलाई हुन्छ किनकि म जनताबाट चुनिएर आएको हु । त्यता तर्फ ध्यान दिने की नदिने की खाली प्रमुखलाई बदनाम मात्रै गर्ने नियतले मिडियाबाजी गरिनुपर्छ ? मैले बारम्बार भनेका छु जनताले जति जिम्मेवारी मलाई दिएको छ, उत्तिकै जिम्मेवारी उप प्रमुखलाई पनि दिएको छ, त्यसैले नगर प्रमुख र उप प्रमुख बीच वादविवाद गरेर जनताले दिएको अमुल्य समयको बर्बाद नगर्नुस् ।"

मेयर मण्डलले उपमेयर झा आफूलाई विगतको पेशालाई लिएर मानमर्दन गरेको आरोप लगाउँदै आफू जे पेशामा भएपनि त्यसमा कुनै ग्लानीको विषय नभएको दाबी गरे । पेशामा आबद्ध भएकै बेला लोकतन्त्रको महापर्व चुनाव भाग लिए र जनताले बिश्वास गरेर आफ्ना प्रतिनिधि बनाउँदै आफूलाई चयन गरेको बताए ।

उपमेयर झाले आफ्नो व्यक्तिगत पुरानो पेशालाई सार्वजनिक स्थल, सार्वजनिक कार्यक्रममा पेशाप्रति घृणा प्रकट सहित आफूलाई गाली समेत गरेको भन्दै आफ्नो मर्यादामा बस्न चेतावनी दिए । आफूलाई आन्दोलनकारी भनेर प्रचार गरेर जनताको मत छाप्ने उपमेयर झाले आफू पनि जनताकै मत पाएर मेयर पदमा निर्वाचित भएको भनेर नबिर्सन चेतावनी दिए ।

उनले भने, - "नगरका जनताले नगर बिकासका लागि चुनिएर पठाएको छ । नगरमा भ्रष्टाचार भयो बिकास भएन भने तपाई अनुगमन समितिका संयोजक हुनुहुन्छ । अनुगमन गर्नुस् गुणस्तरहीन काम भए छ भ्रष्टाचार भएछ भने बिरोध गर्नुस्, मेरो विरुद्ध जनमत तयार गर्नुस् नगरपालिका घेराउ गर्नुस्, त्यसबाट हामी पनि सचेत हुन्छौं र यसमा मेरो कुनै आपत्ती हुँदैन तर त्यस्तो गर्न तपाईंलाई फुर्सद छैन छ भने खाली प्रमुखलाई गाली गर्न । तपाईलाई बिकास सँग मतलब छैन् चिन्ता छैन चिन्ता छ केवल आफ्ना ब्यक्तिगत स्वार्थको ।"

"उप प्रमुख भन्छिन् , कार्यपालिका बाट मेरो लागि कुनै सेवा सुबिधा दिएको छैन् के उनी अहिले चढिरहेका गाडी ब्यक्तिगत खर्च बाट चलिरहेको छ त ? पक्कै होइन उप प्रमुखको लागि कार्यपालिकाले नियम कानुन संभवत छुट्टयाइएको रकमले सेवा सुबिधा लिदै आइरहेको छ ।"- मेयर मण्डलले प्रश्न गरे ।

आफ्नो पब्लिसिटीको लागि धनुषाका पत्रकारहरुलाई लाखौ रुपैयाँ मेयर मण्डलले बाँडेको जस्ता भ्रामक तथ्यहरु सार्वजनिक रुपमा बोल्दा उनले आफ्नो मानसिक सन्तुलन गुमाएको हुनुपर्ने बताए । पब्लिसिटीको लागि विज्ञापन वापत पत्रकारलाई बाँडेको रकमको प्रशासनीक भपाई सहितको प्रमाण लिएर आउन चुनौति दिँदै उनले बेतुका एवम् झुठा प्रचार बन्द गर्न भने ।

उनले भने, "मलाई गुण्डा भनेर मलाई मात्रै होइन हंसपुर नगरपालिकाका जनतालाई अपमानित गर्नु भएछ । म गुण्डा भएको भए म बदमाश भएको भए विभिन्न किसिमको आरोप लागेको हुन्थ्यो म फेरी चुनौती अनाहकमा बरबराई रहेकी उप प्रमुखलाई मेरो गुन्डागर्दी,बदमासीको रेकर्ड खोज्नुस बाहिर ल्याउनुस जनता समक्ष पुर्याउनुस । खाली मिडियामा गएर कसैलाई गुन्डा र बदमास ट्याग लगाउने काम बन्द गर्नुस् ।"

उनले नगर उपप्रमुख झाले बेतुका रुपमा आफै बरबराउने गरेकी एवम् सार्वजनिक पदधारीलाई सार्वजनिक रुपमा मिथ्या आरोप सहित मानमर्दन गर्ने गरेको जनाउँदै समयमै सचेत रहन चेतावनी समेत दिए ।