'झा' दम्पति उपर डेढ करोड बढी गैरकानुनी सम्पति अर्जेको आरोप

न्यूज ब्यूरो, काठमान्डौं । गैर कानुनी एवम अवैद्य सम्पति आर्जन गरेको आरोप सहित अख्तियार दुरुपयोग अनुसन्धान आयोगले एक दम्पति उपर आरोप पत्र दायर गरेको छ ।

अध्यागमन कार्यालय¸ त्रिभुवन अन्तर्राष्ट्रिय विमानस्थल काठमाण्डौमा कार्यरत नायव सुब्बा ललित कुमार झा र उनकी श्रीमती सुचिता देवी झा उपर आरोप पत्र दायर गरिएको अख्तियार दुरुपयोग अनुसन्धान आयोगका प्रवक्ता प्रदीप कुमार कोईरालाले विज्ञप्ति जारी गरी जानकारी दिएका छन्।

नायव सुब्बा झाले पदीय मर्यादा विपरीत कार्यहरु गरी गैरकानूनी सम्पत्ति आर्जन गरी उच्च जीवन यापन गरेको भन्ने आयोगमा दर्ता हुन आएको उजुरी उपरको अनुसन्धानमा झा मुखियाको पदबाट सार्वजनिक सेवामा प्रवेश गरी पदोन्नति हुँदै नायव सुब्बाको पदमा अध्यागमन कार्यालय¸ त्रिभुवन अन्तर्राष्ट्रिय विमानस्थल काठमाण्डौमा कार्यरत रहेका थिए ।

उनी हाल इलाका प्रशासन कार्यालय बर्दिवास महोत्तरीमा कार्यरत रहेको आयोेगको प्रतिवेदनले जनाएको हो । उनको सार्वजनिक सेवामा प्रवेश मिति २०४०।३।१७ देखि मिति २०७६ जेष्ठ मसान्तसम्मको जाँचअवधिको आयव्यय तथा सिर्जित सम्पत्तिहरु उपर विश्लेषण गरीहेर्दा निजले तलव¸ भत्ता¸ कर्जा¸ शेयर बिक्री¸ जग्गा विक्री लगायतबाट जम्मा रु. २¸२८¸६४¸२०८। - दुई करोड अठ्ठाइस लाख चौसठ्ठी हजार दुई सय आठ) आय आर्जन गरेको देखिन्छ । आयोगको विज्ञप्तिमा उल्लेख छ ।

सोही अवधिमा उनले आफू र श्रीमती सुचिता देवी झा समेतका नाममा खरिदगरी राखेका एवं लगानी गरेको चल अचल सम्पत्तिहरु जग्गा खरिद¸ घर निर्माण¸ सवारी साधन खरिद¸ शेयर खरिद¸ छोराछोरीहरुको शिक्षामा लगानी तथा खर्चएवं विभिन्न बैंक तथा वित्तीय संस्थाहरुमा मौज्दात लगायतमा रु. ३ करोड ८५ लाख ४३ हजार२ सय ३४ खर्च तथा लगानी गरेको देखिँदा उनको वैध आय रु. २ करेडा २८ लाख ६४ हजार २ सय ८ को तुलनामा रु. १ करोड ५६ लाख ७९ हजार २६ रुपैयाँ बराबरको भागको स्रोत नखुलेको पाइएको हो ।

उनको सम्पत्ति विवरण अमिल्दो र अस्वाभाविक देखिन आएकोले वैध आयको तुलनामा १ करोड ५६ लाख ७९ हजार २६ रुपैयाँ बराबरको स्रोत खुल्न नसकेको सम्पत्ति निजले राष्ट्र सेवक भएपश्चात के कस्तो श्रोतबाट आर्जन गरेको हो भन्ने कुराको स्रोत पुष्टि गर्न नसकेबाट गैरकानूनी रुपमा सम्पत्ति आर्जन गरी साविक भ्रष्टाचार निवारण ऐन¸ २०१७ को दफा १५ एवं प्रचलित भ्रष्टाचार निवारण ऐन¸ २०५९ को दफा २० को उपदफा -१० बमोजिमको कसुर गरेकोपुष्टि हुन आएकोले झा उपर विगो दायर गरिएको हो ।

उनी उपर १ करोड ५६ लाख ७९ हजार २६ रुपैयाँको भ्रष्टाचार कायम गरीसाविक भ्रष्टाचार निवारण ऐन¸ २०१७ को दफा १५¸ दफा १६ ग तथा दफा २९ एवं प्रचलित भ्रष्टाचार निवारण ऐन¸ २०५९ को दफा २० को उपदफा - २० बमोजिम विगो बमोजिम जरिवाना र कैद सजाय हुन र निजले श्रोत पुष्टि गर्न नसकेको एवं गैरकानूनी रुपमा आर्जन गरेको सम्पत्तिको सोही बमोजिमको विगो भ्रष्टाचार निवारण ऐन¸ २०१७ को दफा १६ग¸ दफा २९ र प्रचलित भ्रष्टाचार निवारण ऐन¸ २०५९ को दफा ४७ तथा अख्तियार दुरुपयोग अनुसन्धान आयोग ऐन¸ २०४८ को दफा २९ ख बमोजिम जफतगरी पाउन निज ललित कुमार झा र उनकी श्रीमती सुचिता देवी झासमेतलाई प्रतिवादी कायम गरी आज विशेष अदालत¸ काठमाण्डौमा मुद्दा दायर गरिएको आयोगले जनाएको हो ।