सरकारले कानुनमार्फत मधेशीको अधिकार कटौती गर्न लाग्यो : महन्थ ठाकुर

न्यूज ब्यूरो, जनकपुरधाम । राजपा नेपालका नेता महन्थ ठाकुरले सरकार कानुनमार्फत मधेसी जनताको अधिकार कटौती गर्न लागेको आरोप लगाउँदै आक्रोश पोखेका छन् ।

प्रतिनिधिसभाको विहिबारको बैठकमा विनियोजन विधेयकमाथिको छलफलमा सहभागी हुँदै उनले कानुनी रुपमा नै अधिकार कटौतीको प्रयासमा सरकार लागेको भन्दै आक्रोश पोखेका हुन् ।

नेता ठाकुरले केन्द्र सरकारले मधेसमाथि नाकाबन्दी लगाएको आरोप उनले लगाए । बजेट, राज्यका निकायमा प्रतिनिधित्व लगायत सबैमा मधेस उपेक्षित बन्दै गएको र नेपालको एउटा उपनिवेशको रुपमा रहेको दाबी उनले गरे ।

मधेसलाई अहिले पनि विभेद कायमै रहेको भन्दै उनले विभेद कायम रहेसम्म आफुहरुको विरोध जारी रहने बताए ।