कमलाको सम्पन्न योजनाप्रति आम नागरिक सन्तुष्ट छन् : अधिकृत यादव

न्यूज ब्यूरो, जनकपुरधाम । धनुषाको कमला नगरपालिकाका प्रमुख प्रशासकीय अधिकृत उमेश कुमार यादवले नगरपालिकाभित्र सम्पन्न भएको योजनाहरुप्रति आम नागरिक सन्तुष्ट भएको बताएका छन् ।

चालु आर्थिक वर्षमा स्वीकृत गरिएको योजनाहरु उपर अहिले धमाधम कार्यहरु भईरहेको छ भने सम्पन्न भएका विभिन्न योजनाहरुको अनुगमन कार्य जारी राखिएको बताएका छन् । आर्थिक बर्ष सम्पन्न हुन लाग्दा आगामी आर्थिक वर्ष २०७६/७७ को लागि गर्नुपर्ने विकासे योजना तर्जुमाको लागि सहजताको दृष्टिकोणले चालु आर्थिक वर्षको योजनाहरुलाई अनुगमन तीव्र पारिएको जनाएका छन् ।

प्रथम चरणमा वडा नं. ४ र ५ का सम्पन्न योजनाहरु उपर अनुगमन गरेको थियो भने दोस्रो चरण अन्तर्गत कमला नगरपालिकाको वडा नं. १, ५,६,७ र ८ मा अनुगमन गरिएको छ । त्यसको क्रममा वडा नं. १ मँगराहा टोलमा निर्माण गरिएको ९०० मिटरको पिसिसी ढलान योजनाको अनुगमन गरिएको हो । यसका साथै वडा नं. १ मँगराहा देखि नरहासम्मको १० मिटर चौडाई भएको नेपाल सरकारको सशर्त अनुदानमा निर्माण भएको सडकको समेत अनुगमन गरिएको छ भने आम नागरिक सन्तुष्टता जनाएको बताइएको छ ।

यस्तै वडा नं. ८ सोनापारामा माटो र ग्राभेलको कार्य योजना सम्पन्न भएको भन्दै स्थानीयहरुले हिलोमा माटो वा ग्रभेलींग नगर्न सुझाएको बताए । बर्षातका कारण भएको हिलोमा माटो पुरेपछि केही दिनमै सडकको अवस्था पुनः दयनीय हुने भन्दै स्थानीयवासीहरुले हिलोमा माटो वा ग्राभेल रोक्न माग गरेको प्रमुख प्रशासकीय अधिकृत यादवले बताए ।

वडा नं. ६ को अनुगमनको क्रममा वडाध्यक्षले आगामी आर्थिक वर्षमा निर्माण गरिएको माटो ग्राभेल सडकलाई पिसिसी ढलान गर्ने प्रतिक्रिया दिएको बताएका छन् । नगरकी उप प्रमुख शिला देवी मण्डलको संयोजकत्वमा गठन गरिएको अनुगमन समितिले सम्पनन कार्य योजनाहरुलाई अनुगमन गर्दै मापदण्ड विपरित वा गुणस्तरीहिन काम भएको गुनासो आधारमा भुक्तानी रोक्ने कार्य गरेको बताइएको छ ।

कमला नगरपालिकामा अहिलेसम्मको अनुगमन अनुसार करिब ५० प्रतिशत योजनाहरु सम्पन्न भईसकेको तथा असार मसान्तभित्रै करिब ९० प्रतिशतसम्म कार्य योजना सम्पन हुने विश्वास अधिकृत उमेश यादवले जनाए ।