समाजवादीको जिल्ला उपाध्यक्षमा 'ज्ञानकुमार यादव'

न्यूज ब्यूरो, जनकपुरधाम । केही दिन अगावै मात्रै एकिकरण भएको समाजवादी पार्टीको जिल्ला उपाध्यक्षमा ज्ञान कुमार यादवलाई चयन गरिएको छ ।

तत्कालिन संघीय समाजवादी फोरम नेपालमा सक्रिय धनुषाका युवा नेता ज्ञान कुमार यादवलाई समाजवादी पार्टीको जिल्ला कार्य समिति धनुषामा बसेको बैठकबाट उनलाई जिल्ला कार्य समितिको उपाध्यक्षको लागि चयन गरिएको जनाइएको छ ।

धनुषाधाम नगरपालिका वडा नं. ७ किसानपुरका स्थानीय नेताको रुपमा परिचित यादवलाई उनको लगनशिलता र पार्टीप्रतिको लगावकै कारण पनि कार्य समितिको उपाध्यक्षमा चयन गरिएको बुझिएको हो । यस्तै बैठकबाट समाजवादी पार्टी नेपालको सचिवमा भने घनश्याम यादवलाई चयन गरिएको हो ।

गत १५ गते जिल्ला कार्य समितिको बैठक बसि जिल्ला सचिवमा घनश्याम यादवलाई चयन गरिएको जनाइएको छ । केही दिन अघि भएको अधिबेशनबाट जिल्ला कार्य समितिको अध्यक्षमा पशुपति यादवलाई चयन गरिएको थियो भने जिल्ला कार्य समिति अधुरो भएको बेला पदपूर्ति गरिएको जनाइएको छ ।