जनकपुरको मोनाष्टिकमा 'निर्वाचन र नेतृत्व' अभ्यास

न्यूज ब्यूरो, जनकपुरधाम । जनकपुरधामको मोनाष्टिक आवासीय उच्च माध्यमिक विद्यालयमा सोमबार चुनावी अभ्यास गराईएको छ ।

प्रदेश नं. २ मा नीजि विद्यालयहरुमध्ये उत्कृष्ट मानिएको मोनाष्टिक स्कूलमा विद्यालयका विद्यार्थीहरुलाई नेतृत्व तथा प्रतिनीधि प्रदान हेतु निर्वाचन गराईएको हो । निर्वाचनबाट विद्यालयमा अध्ययरनत छात्रछात्राहरुले आफैं मध्येबाट आ आफ्ना प्रतिनीधि निर्वाचनको माध्यमले छनौट गर्न मतदान गरिएको जनाइएको छ ।

सोमबार विद्यालयका प्रबन्धक निर्देशक डा. सोनु कुमार साहको अध्यक्षतामा विहान १०ः३० बजेदेखि मतदान प्रक्रिया सुरु भएको थियो । झण्डै ६ घण्टा चलेको मतदानबाट विद्यालयका विद्यार्थीहरुमध्ये कुल ३ सय १७ मत खसेको थियो ।

निर्वाचनको लागि मोनाष्टिकको छात्रछात्राहरुको नेतृत्व प्रदान गर्न तथा प्रतिनीधिको लागि छात्रतर्फबाट साजन अधिकारी, चन्दन सिँह, मुकेश साह, हिमान्सु चौधरी, राशी झुनझुनबाला, रभिक रञ्जन मण्डल तथा छात्रा नेतृत्वको लागि समृद्धि साह, कृति महतो, प्रिति साह, रितिका मण्डले उम्मेदवारी दिएका थिए । कक्षा ६, ७, ८, ९ र १० का छात्रछात्राहरु मतदान गरेका थिए ।

जम्मा खसेको ३ सय १७ मतमध्ये उत्तः कक्षाहरुबाट ९० जना छात्रा एवम् २ सय ५९ जना छात्रले मतदान गरेका थिए भने आँकडा गरिएको जम्मा मतमध्ये ५८ जनाले मतदान नगरेको जनाइएको छ ।

विद्यार्थीहरुबाटै निर्वाचन अधिकृत समेत छनौट गरिएको थियो भने विद्यार्थीहरुद्धारा नै निर्वाचनको सम्पूर्ण प्रक्रिया सँचालन गरिएको थियो । यस्तै विद्यार्थीहरुको यस निर्वाचनको लागि विद्यालयका माध्यमिक तहका सामाजिक विषयका शिक्षकद्वय रमेश कर्ण र अमरनाथ दासले सहजकर्ताको भूमिका निर्वाह गरेका थिए ।

यस निर्वाचनबाट विद्यार्थी वर्गमा नेतृत्व क्षमताको विकास, मताधिकारको प्रयोग र चुनावी प्रकृयाको बारेमा जानकारी र ज्ञान बढ्ने विश्वास लिइएको छ ।