जनकपुर : अब अपाँगता भएका बालबालिकाहरुको लागि 'स्पेशल स्कूल'

न्यूज ब्यूरो, जनकपुरधाम । अपांगता भएका बालबालिकाहरुको लागि प्रदेश नं. २ मा विशेष शिक्षा विद्यालय बन्ने भएको छ ।

उत्तरी धनुषाको मिथिला नगरपालिका वडा नं. ९ बेंगाडाबरस्थित सार्वजनिक माविमा शुक्रबार शिक्षा, विज्ञान तथा प्रविधि मन्त्री गिरिराजमणी पोखरेल र भौतिक पुर्वाधार तथा यातायात मन्त्री रघुुवीर महासेठले संयुुक्त रुपमा शिलान्यास गरेका छन ।

विभिन्न अपांगता भएका बालबालिकाहरुको पठनपाठनसँगै खाने, बस्नेसहितको सुविधासम्पन्न विशेष शिक्षा विद्यालय भवन निर्माण हुने भएको छ । भवनको शिलान्यास गर्दै मन्त्री पोखरेलले भवन दुुई चरणमा निर्माण हुुने बताए । पहिलो तीन वर्षमा भौतिक संरचना तयार गरिने र अन्तिम दुुई वर्षमा अतिआधुनिक सुविधासम्पन्न बनाउने मन्त्री पोखरेलले थपे ।

भवन निर्माणको लागि संघीय सरकारले एक करोड रुपैयाँ बिनियोजन गरिएको उनले बताए । विद्यालयका प्रअ विश्वनाथ महतोको अध्यक्षतामा भएको कार्यक्रममा फरक क्षमता भएको बालबालिकाहरु विशेष शिक्षा विद्यालयमा पठनपाठन गर्ने मन्त्री पोखरेलले उल्लेख गरे ।

सबैभन्दा बढी बालबालिकाहरु विद्यालय बाहिर रहेको प्रदेश २ मा शिक्षाको स्तर सुुधार्णको लागि तीनै तहका सरकारबीच समन्वयको आवश्यक्ता उनले औंल्याए ।

एक अर्को प्रसंगमा ४० अंक ल्याएर उतिर्ण हुन नसकेका अस्थायी शिक्षकहरुलाई अन्य पेशा अपनाउनको लागि मन्त्ती पोखरेलले सुुझाए । परम्परागत शिक्षाले देश समृद्ध बन्न नसक्ने तर्क गर्दै उनले प्राविधिक शिक्षालाई व्यवहारमा ल्याउनुपर्नेमा उनले जोड दिए । सो अवसरमा भौतिक पुर्वाधार तथा यातायात मन्त्री रघुुवीर महासेठले शैक्षिक क्षेत्र सुधारको लागि संघीय सरकारले हरसम्भव प्रयास गर्ने घोषणा गरे ।

विद्यालयमा आयोजित कार्यक्रममा मन्त्री महासेठले आफनो मन्त्रालयको उपलब्धी बताउन चुकेन । २० वर्षमा हुने विकासको काम आपूmहरुले दुुई वर्षमै गरेर देखाएको मन्त्री महासेठले दावी गरे ।

आउँदो २ महिनाभित्र २ सयदेखि ३ सय पुल तयार हुन्छ, उनले भने–सरकारले १२ सय पुल बनाउन लागेको छ । वर्तमान सरकारले ८ सय किलोमिटर पक्की सडक निर्माण गरेको उनले बताए ।

सर्वोच्च अदालतले जन्मसिद्ध नागरिकका सन्तानलाई बंशजको आधारमा नागरिकता वितरणमा दोश्रो पटक रोक लगाइसकेको बेला मन्त्री महासेठले नागरिकता दिनबाट कसैले नरोक्ने बताए ।

जन्मसिद्ध नागरिकको सन्तानले बंशज नागरिकता पाउने मन्त्री महासेठले थपे । सो अवसरमा मन्त्रीद्वय पोखरेल र महासेठले कृषि विज्ञान प्राविधिक शिक्षा९९–१२० को संयुक्त रुपमा उदघाटन गरेका छन ।

कार्यक्रममा प्रदेश सभा सदस्य सत्रुधन महतो, मिथिला नगरपालिकाका प्रमुुख हरिनारायण महतो, शिक्षा तथा मानव विकास केन्द्रका समावेशी शिक्षा प्रमुख नारद धमला लगायतले आ आफनो मन्तव्य राखेका थिए । आजको जनकपुर टुडेमा समाचार छ ।