'सउदीमा फाँसीको सजाए पाएका उमेश यादव ९९.९% घर फर्कन्छ' : सरोज राय

न्यूज ब्यूरो, जनकपुरधाम । विगत १३ वर्षदेखि सउदीको जेलमा कैदी जीवन व्यतित गरिरहेका धनुषाका उमेश यादव नेपाल फर्कने ९९.९ प्रतिशत संकेत मिलेको बताइएको छ ।

धनुषाको गाविस माचि झिटकैया वडा नं. ४ पर्सा हाल कमला नगरपालिका वडा नं. ३ बस्ने भोला यादबका वर्ष ३९ का उमेश यादवको अदालती प्रक्रियामा कार्यप्रगति भएको भन्दै चाँडै घर फर्किने संकते पाएको ग्रोविंग नेपाल फाउण्डेशनका अध्यक्ष एवम् उमेश बचाउ अभियानमा पहल गरेका एनजिओकर्मी सरोज रायले आफ्नो फेसबुक मार्फत जानकारी गराएका छन् ।

उमेशको ब्लडमनी बारे कुनै फैसला भएको छैन : राजदुतावास

पाकिस्तानी नागरिक मो. लतिपको हत्याको आरोपमा मृत्यूदण्डको सजाय पाएका उमेशलाई अदालतले माफी दिने र चाँडै घर फर्किने दावी रायले फेसबुक मार्फत गरेका हुन् । विगत १३ वर्षदेखि सउदीको जेलमै बसिरहेका यादवलाई नेपाली दुतावासको पहलमा उनको फाँसी रोकिएको थियो ।

उमेशलाई फाँसीको लागि तल्लो अदालतले फैसला सुनाएपछि नेपाली दुतावासले तत्कालै उनको बचाउको लागि उपल्लो अदालतमा निवेदन दिएपछि उनको फाँसीको फैसला कार्यन्व्यन अन्यौल भएको हो । उपल्लो अदालतले उमेशको प्रकरणमा पेशी चढाउँदै पब्लिक राईट अन्तर्गत पाकिस्तानी परिवारसँगको माफीनामा पत्र माग गरिएको एनजिओकर्मी रायले फेसबुक स्टेटसमा दाबी गरेका छन् ।

उनले लेखेका छन् :

सउदी जेलबाटै उमेश भन्छन् - 'पाकिस्तानमा ब्लडमनी बुझाइयो, बाहिर कहिले निस्कन्छु' ?

यसका साथै, सउदी स्थित नेपाली दुतावासका राजदुत महेन्द्र सिँह राजपूतले उमेशको मुद्दा अदालतमा विचाराधिन रहेको भन्दै उनको बचाउको लागि दुतावासले कुनै कसर छाडेको तथा नछाडने प्रतिक्रिया दिएका थिए । उमेश बचाउको लागि देशविदेशबाट गरिएको सहयोगको सराहना गर्दै उनको लािग प्रार्थना गरिदिन आग्रह गरेका थिए ।

उमेशको जेली जीवनबारे सर्वप्रथम न्यूज ब्यूरोले समाचार प्रकाशित गरेपछि विभिन्न व्यक्तिहरुले उनको मुद्दामा चासो लिएका थिए । उमेश बचाउनको लागि सरोज रायले विभिन्न प्रक्रियाहरु अपनाएर उमेशको लागि माफीनामा पत्र ल्याउन पाकिस्तानी परिवारसँग भेट गरेका थिए ।

राजदूत सिँहले भने - 'उमेश यादवको लागि प्रार्थना मात्र गरिदिनुस्, सब कुशल हुन्छ'

पाकिस्तानी नागरिक मो। लतिफको हत्या गरेको आरोपमा सउदीको तल्लो अदालतले उमेश यादवलाई मृत्यूदण्डको सजाय सुनाएका हो । उनको मृत्यूदण्डको सजाय सुनाइएपछि नेपाली दूतावासले माथिल्लो अदालतमा अपिल गरेपछि रोकिएको हो ।

यता, मृतक पाकिस्तानी नागरिक मो। लतिफको दाजुहरुले उमेशलाई ३० लाख पाकिस्तानी रुपैयाँको सहयोग भन्दै माफीनामा दिएका हुन् । एनजिओकर्मी सरोज रायको पहलमा पीडित परिवारले सहयोगको अपेक्षा सहित उमेश बचाउको लागि माफीनामा पत्र दिने सम्झौता गरेको हो ।

रायले शनिबार फेसबुकमा लेखेका छन् :

साउदीको अदालतद्धारा उमेशको पक्षमा फैसला गरेपछि पारिवारिक सहयोग तथा मृतक मो. लतिफको परिवारको सहयोग स्वरुप ३० लाख पाकिस्तानी रुपैयाँ दिइने सम्झौता भएको रायले जानकारी यसअघि नै भिडियो सन्देश मार्फत दिएका थिए ।

उमेश बचाउ अभियानको लागि विभिन्न देशहरुमा कामको शिलशिलामा रहेका युवाहरु तथा देशको विभन्न सेक्टरमा काम गर्ने युवा, विद्यार्थी आम नागरिकहरुले आर्थिक सहयोग गरेका छन् ।