ओलि सरकार मधेस सहित सिङ्गो देशलाइ ठग्दै छ : रामचन्द्र पौडेल

सन्जय सहनी १४ वैशाख, रौतहट । नेपाली कांग्रेसको वरिष्ठ नेता रामचन्द्र पौडेलले बर्तमान सरकारले नेपाली जनताको भावना सङ खेलबाड गरिरहेको बताएका छन ।

रौतहटको राजपुर नगरपालिकामा शनिवार आयोजित विशाल जनसभालाई सम्बोधन गर्दै कांग्रेस वरिष्ठ नेता पौडेलले भने" ‘अहिलेको सरकार बालुवाटारकाण्ड, खुलामञ्चकाण्ड, सुनकाण्ड, निर्मलाकाण्ड, वाइडबडी काण्ड लगायत काण्डै काण्डको सरकार सुशासन तथा विकासको प्रत्याभूति गराउन नसकेकोले जनताको नजरमा गिरिसकेको बताए ।

प्रधानमन्त्री केपी शर्मा ओलीले समृद्ध नेपाल, सुखी नेपाली बनाउने प्रतिबद्धता गरेपनि त्यसविपरित सरकारले भ्रष्टाचारी, बलात्कारीलाई संरक्षण दिएको तथा काण्डै काण्डको देश बनाएको पौडेलले आरोप लगाए । तराई मधेशमा खेती गर्न सिंचाई उपलब्ध गराउनुको साटो पानी जहाज चलाउने कुरा गरेर जनताहरुलाई मुर्ख बनाएको भन्दै नेता पौडेलले जनताहरु सचेत हुन जरुरी रहेको धारणा राखे ।

कांग्रेस महामन्त्री डा. शशांक कोइरालाले पार्टीको आन्तरित द्वन्द्व अन्त्य गरेर अघि बढ्नुपर्नेमा जोड दिए ।रौतहट २ का साँसद मोहम्मद आफताव आलमले नेकपा सङै मधेसी पार्टीले जनतालाई ब्लायकमेलिङ गरेको आरोप लगाए ।पुर्व मन्त्री समेत रहेका आलमले मधेस आन्दोलन गरेको उपेन्द्र यादब क्षनिक स्वार्थका कारन केपि ओलि सङ मिलेर मधेशि जनताको शाहदतको ब्यक्तिगत फाइदा उठाएको बताए ।

आलमले बिगतमा संविधान संसोधनको माग सहित केपि ओलि र प्रचण्डलाइ गाली दिदै हिडेको मधेसी दल सरकार सङ नजिक भै सताको फाइदा लिएको आरोप लगाए । रौतहट क्षेत्र न ४ का सान्सद देबि तिमल्सिना, सहित दर्जनौं केन्द्रिय नेता उपस्थित उक्त कार्यक्रममा तरुन दल रौतहटका जिल्ला अध्यक्ष नौसाद आलम , काङ्ग्रेस नेता एव बृन्दाबन नगरपालिकाका मेयर राम स्नेही यादब , परोहा नगरपालिकाका मेयर शेख वकिल,उपमेयर सुगन्धी देवि ,युवा नेता राम चन्द्र गिरि ,राजपुर नपाका मेयर शेख सकिल ,बौद्धिमाइ नगरपालिकाका काङ्ग्रेस नेताद्वय राजनबाबु जयसवाल ,सुनिल जयसवाल सहित सयकडौ नेता र हजारौं कार्यकर्ताको उपस्थित रहेको थियो ।