दानवरुपी आक्रोस : सानी बुहारीले आफ्नै जेठाजुलाई जलाइन्, अवस्था गम्भिर !

न्यूज ब्यूरो, सप्तरी । प्रदेश नं. २ को सप्तरीमा शुक्रबार एक महिलाले आफ्नै जेठाजु (भैसुर) को जीउमा भातको तातो माड खन्याईदिएपछि गम्भिर घाईते भएका छन् ।

सप्तरी जिल्लाको राजविराज नगरपालिका वडा नं. ११ बस्ने अन्दाजी बर्ष ४५ का रामकुमार मण्डल खंगलाई उनको आफ्नै सानी बुहारी (भावो) ले भातको अति तातो माड जीउमा खन्याइदिएपछि गम्भिर घाईते भएका हुन् । रामकुमारलाई अहिले सागरमाथा अञ्चल अस्पतालमा उपचार भईरहेको छ ।

नाला सफा गर्ने विषयलाई लिएर दुवै जनाबीच भनाभन हुँदा भात पकाईरहेकी सानी बुहारी अन्दाजी बर्ष ३५ की भुली देवी मण्डल खंगले आफ्नै जेठाजु रामकुमारको जीउ उपर माड निकाले खन्याएपछि उनको जीउभरी फोका आएको छ ।

विगत केही दिनदेखि यस प्रकृतिका घटनाहरुमा महिला हिँसा सहित पुरुष हिँसा पनि त्यतिकै वृद्धि भएको देखिएको छ ।

जिल्ला प्रहरी कार्यालय सप्तरीले जनाए अनुसार शुक्रबार विहानै नाला सफा गर्ने क्रममा दुवै जनाबीच भनाभन भएको थियो । भुली देवीले जेठाजु रामकुमारलाई भातबाट तत्कालै माड निकालेर उनको जीउमा खन्याइदिइन र रामकुमार गम्भिर घाईते हुन पुग्यो । रामकुमारको अनुहार र हातमा केही भाग जलेको छ भने उनको ढाडमा अधिकांश भाग जलेको बताइएको छ ।

सानी बुहारी (भावो) भुली देवी खंगको श्रीमान बैदेशिक रोजागरीको क्रममा विदेश बस्दै आएका छन् । अहिले जिल्ला प्रहरी कार्यालय सप्तरीबाट खटि गएको टोलीले भुली देवीलाई नियन्त्रणमा लिने जनाइएको छ । जिल्ला प्रहरी कार्यालय सप्तरीका अनुसार भुली देवीलाई नियन्त्रणमा लिनको लागि जिल्लाबाट महिला प्रहरीको टोली पठाइएको हो ।

विगत केही दिनदेखि यस प्रकृतिका घटनाहरुमा महिला हिँसा सहित पुरुष हिँसा पनि त्यतिकै वृद्धि भएको देखिएको छ ।