धनुषामा विङ्गरको ठक्करबाट बाबूछोराको घटनास्थलमै मृत्यू !

न्यूज ब्यूरो, धनुषा । धनुषामा विंगरले ठक्कर दिंदा बाबू र छोराको घटनास्थलमै मृत्यू भएको छ ।

धनुषाको धनुषाधाम नगरपालिका धारापानी स्थिति पूर्व पश्चित राजमार्ग अन्तर्गत मोटरसाईकलमा सवार बाबू छोरालाई विँगरले ठक्कर दिएपछि दुवै जनाको घटनास्थलमै मृत्यू भएको प्रहरीले जनाएको छ ।

पूर्वबाट पश्चिम तर्फ जाँदै गरेको ना १ ख ८४३२ विङ्गरले बाबूछोरा सबार बा ७१ प १९६३ नम्बर मोटरसाईकललाई ठक्कर दिँदा विभत्स दुर्घटना भएको हो । मृत्यू हुनेमा सिरहाको लहान नगरपालिकाका वर्ष ३० का श्याम चौधरी र उनकै छोरा ११ बर्षिय अमन चौधरीको ज्यान गएको धनुषाका प्रहरी प्रमुख एवम् प्रहरी उपरीक्षक (एसपी) शेखर खनालले जानकारी दिएका छन् ।

यता, विँगर प्रहरीको नियन्त्रणमा रहेको छ भने विंगर चालक फरार भएका छन् । चालकको खोजी भईरहेको प्रहरीले जनाएको छ ।