Breaking - धनुषामा बम विस्फोट !

न्यूज ब्यूरो, जनकपुरधाम । धनुषामा बम विस्फोट भएको छ । धनुषाको धनुषाधाम नगरपालिका ५ स्थित नौसयबिघामा बम विस्फोट भएको हो ।

आइतबार ६ बजेतिर वडा ५ को वडा कार्यालयभन्दा करिब ५ सय मिटरको दुरीमा रहेको खेतमा ट्याक्टरले जोतिरहेका बेला खेतमा पानको बट्टामा लुकाएर राखिएको उक्त बम विस्फोट भएको हो ।

स्थानीय भलु साहको खेतमा ज १ त ९८८२ नम्बरको ट्याक्टरले जोट्दै जाँदा गाडेर राखिएको बम उपर ट्याक्टर चढेपछि विस्फोट भएको जनाइएको छ ।

मानवीय क्षति भने टरेको छ । खेतमा विस्फोटक पदार्थ कसले राखेको थियो भन्ने बारे खुल्न सकेको छैन ।

यस उपर अनुसन्धान थालिएको उमाप्रेमपुर प्रहरी चौकीका ईन्चार्ज गोपाल श्रेष्ठले जनाए ।