मधेशको लागि डा. सिके राउतले जनमत पार्टी  विशाल जनसभाको श्रीगणेश गर्ने

न्यूज ब्यूरो, सिरहा । डा. सिके राउत नेतृत्वको नव गठित जनमत पार्टीको श्रीगणेश सिरहाबाट हुने भएको छ ।

आउँदो चैत्त ३० गते शनिबारका दिन सिरहाको मिर्चैयाबाट पार्टीको विस्तारको लागि प्रथम जनसभा गरिने भएको छ । त्यसको लागि अहिलेदेखि नै पार्टीका तदर्थ समितिले प्रचार प्रसार तीव्र पारेका छन् । त्यो दिन हुने वृहत जनसभामा हजारौँ कार्यकर्ता एवम् आम नागरिक ओराल्ने कार्यक्रम तय गरिएको जनाइएको छ ।

नेपाल सरकारबीच ११ बुँदे सहमतिपछि सिरहाको लहानमा दुई दिनसम्म बैठक गरी राउतले जनमत पार्टी गठन गरेका थिए । उक्त पार्टी गठनसँगै मधेशका प्रत्येक जिल्लामा जनसभा गर्ने निर्णय पनि गरेको थियो ।

अहिले उक्त पार्टीका अगुवा जिल्ला नेताहरु सदस्यता विस्तारमा जोडतोडका साथ लागेका छन् । सरकारसंग सम्झौता गरेपछि स्वतंत्र मधेसको नारा छाडेर जनमत दो, आजादी लो नारा लिएर अघि बढेको छ ।

मधेशमा डा. राउत १० लाख बढी जनमत एकग्रह गरेर आफ्नो मिसन अगाडी बढाउने बुझिएको छ ।