नगरस्तरीय परीक्षा सँचालनको लागि मेयर बरबरियाको यस्तो प्लान

न्यूज ब्यूरो, जनकपुरधाम । धनुषाको शहिद नगर नगरपालिकाका मेयर उदय कुमार बरबरिया (यादव) ले कक्षा ८ को बोर्ड परीक्षाको लागि नयाँ योजना बनाएका छन् ।

आउँदो चैत्त १९ गतेदेखि सुरु हुने कक्षा ८ को बोर्ड परीक्षाको लागि नगरपालिकाभित्रका परीक्षार्थीहरुको लागि केन्द्र, केन्द्राध्यक्ष, सहायक केन्द्राध्यक्ष तोक्दै परीक्षा सँचालनको लागि नयाँ तवर ल्याउने बताएका छन् । सोमबार न्यूज ब्यूरोसँग कुराकानी गर्दै मेयर बरबरियाले कक्षा ८ को परीक्षाको लागि तोकिएको दुईटै परीक्षाकेन्द्रमा स्वयंम अनुगमन तथा नीरिक्षण गर्ने बताए ।

कक्षा ८ को बोर्ड परीक्षा नगरपालिकाले स्वयं सँचालन गर्ने भएपछि मेयर बरबरियाले नगरभित्र दुईवटा परीक्षाकेन्द्र तोकेका हुन् । उनले भने, - "परीक्षाकेन्द्र अझ पनि हामी निर्धारण गर्न सक्थ्यौँ तर जनशक्तिको पूरा पहुँच, सुरक्षा र मर्यादित रुपमा परीक्षा सँचालन गर्नको लागि दुईवटा केन्द्र मात्र तोकिएका छौँ ।"

शहिदनगर नगरपालिकाको नगर शिक्षा समिति तथा आधारभूत तह कक्षा ८ को परीक्षा समितिको सोमबार बसेको संयुक्त बैठकबाट नगरस्तरीय परीक्षाको लागि दुई वटा केन्द्र जनता एकाई माध्यमिक विद्यालय र राष्ट्रिय आधारभूत विद्यालय गोठकूहा परीक्षाकेन्द्र तोकेका छन् । जनता एकाई मावि परीक्षा केन्द्रमा मावि महुलिया, आधारभूत विद्यालय गोठकूहा, आधारभूत विद्यालय पचहर्वा र मावि धबौलीको परीक्षार्थीहरुलाइ सहभागी गराइने छ । यस्तै, राष्ट्रि आधारभूत विद्यालय गोठकूहामा भने मावि यदूकूहा, आधारभूत मावि कुम्भकरण, आधारभूत विद्यालय नाथपट्टि बिसरभोरा र आधारभूत विद्यालय हडबारालाई समावेश गरिएको हो ।

दुईवटा परीक्षाकेन्द्रमध्ये जनता एकाई परीक्षाकेन्द्रको केन्द्राध्यक्ष सुपरिटेन्डेन्टमा श्रीनारायण मण्डल तथा सहायक केन्द्राध्यक्षमा श्रीकृष्ण भिन्भारलाई चयन गरिएको हो । यस्तै, अर्को परीक्षाकेन्द्र आधारभूत विद्यालय गोठकूहाको केन्द्राध्यक्षमा विष्णुदेव यादव र सहायक केन्द्राध्यक्षमा नथुनी यादवलाई राख्ने निर्णय गरिएको हो ।

यसका साथै मेयर बरबरियाले नगरस्तरीय परीक्षाको क्रममा कुनै पनि केन्द्रमा कुनै उच्छृँगल तथा अमर्यादित गतिविधि गरे कानुन बमोजिम कारवाही जसको तस गर्ने दिए । उनले अध्ययन अध्ययापनको बेला समेत विद्यालयका कर्मचारीलाई आफू निरन्तर समेत गराउँदै विद्यार्थीहरुलाई समेत निगरानी निरन्तर नै गरिरहेको बताए । यस्तोमा पनि अर्मादित गतिविधि भए विद्यालय कर्मचारी सहित विद्यार्थीलाई समेत कारवाहीको दायरामा ल्याउने जानकारी दिए ।