यसपाली धनुषामा एसईई परीक्षा मर्यादित हुँदैछ : प्रमुख चुडामणि फुइयाल

न्यूज ब्यूरो, जनकपुरधाम । राष्ट्रि परीक्षा बोर्ड मुजेलिया जनकपुरका प्रमुख चुडमणि फुइयालले विगतभन्दा यसपाली धनुषामा मर्यादित रुपमा परीक्षा सँचालन भईरहेको बताएका छन् ।

आईतबारदेखि देशैभरि सुरु भएको एसईई परीक्षाको क्रममा सोमबार धनुषाको विभिन्न परीक्षाकेन्द्रमा अनुगमन गर्दै प्रमुख फुइयालले अन्य वर्षको तुलनामा यसवर्ष एसईई परीक्षा मर्यादित रुपमा भईरहेको प्रतिक्रिया दिएका छन् । हाम्रा न्यूज ब्यूरो सहकर्मी विनय कुमार यादवसँग संक्षिप्त प्रतिक्रिया दिँदै प्रमुख फुइयालले अरुवर्ष भन्दा यसपालीको परीक्षा अनुगमन गरिएको केन्द्रहरुमा मर्यादित रुपमा देखिएको बताए ।

धनुषाको धनुषाधाम नगरपालिका अन्तर्गत पर्ने मावि भिमान मुलाबारी, जनता जैसवाल मावि गोदार लगायतका परीक्षा केन्द्रहरुमा राष्ट्रिय परीक्षा बोर्ड मुजेलिया शाखाका प्रमुख फुइयालको नेतृृत्वमा अनुगमन गरिएको हो । उनले भने, हामी सकेसम्म जिल्ला भरीमा अनुगमन गर्न हाम्रा टिम रनिँग पोजमा छन् र अनुगमन तीव्र पारिएको छ ।

सो क्रममा जिल्ला शिक्षा समन्वय ईकाई समितिका प्रमुख बरखु प्रसाद रजकले जिल्लाको कुनै पनि परीक्षाकेन्द्रमा अवैद्यानिक क्रियाकलपा वा अर्मादित परीक्षा भईरहेको भेटाएको खण्डमा कारवाही बढाउने जनाउँदै भित्रैबाट कुनै सेटिँग भएको भए त्यसलाई सहजै तोडने बताए ।